Ինչպես արդեն տեղեկացրել էինք, Հայաստանը Հաագայի Արդարադատության միջազգային դատարանում գործ է հարուցել Ադրբեջանի դեմ:
Հաագայի դատարանի հաղորդագրության համաձայն՝ հայցվորը պնդում է, որ «տասնամյակներ շարունակ Ադրբեջանը ռասայական խտրականության է ենթարկել հայերին», և որ «պետության կողմից հովանավորվող հայատյաց այս քաղաքականության հետևանքով հայերը ենթարկվել են սիստեմատիկ խտրականության, զանգվածային սպանությունների, խոշտանգումների և այլ նվաստացումների»:
Պաշտոնական Երևանն իր հայցում ընդգծում է, որ նույնիսկ ռազմական գործողությունների ավարտից և 2020 թվականի նոյեմբերի 10-ին հրադադարի ուժի մեջ մտնելուց հետո Ադրբեջանը շարունակել է հայ գերիների, պատանդների և ձերբակալված այլ անձանց սպանությունները, խոշտանգումներն ու մյուս նվաստացումները:
Հայաստանը Հաագայի դատարանից պահանջում է «պատասխանատվության ենթարկել Ադրբեջանին, կանխարգելել հետագա վնասը և հատուցել արդեն պատճառված վնասը»:
Քաղաքագետ Ստեփան Գրիգորյանը պաշտոնական Երևանի քայլը դրական է համարում․«Բայց նաև ուզում եմ հատուկ նշել, որ վաղուց պետք է ոչ միայն իրավական քայլ անեինք, այլ քաղաքական՝ այսինքն դիմեինք ՄԱԿ-ի Անվտանգության խորհուրդ։ Ընդ որում՝ դա պետք է անեինք պատերազմի ժամանակ կամ անմիջապես հետո։
Նյութի աղբյուր՝ 1in.am
#lurer #hayastan #turkia #adrbejan #rusastan #aliev #paymanagir #goriskapan #pashinyanerdoxan
