Emisioni Uniko nga Spartak Koka në Klan Plus ka hetuar që prej fillimit vrasjen e 26-vjeçarit Martin Çeço, ngjarje e ndodhur në muajin Qershor 2022 në Kolanec të Maliqit.

Pas emisionit të datës 16 Janar 2023, kur emisioni Uniko publikoi disa biseda të fundit të Martin Çeços në Facebook-un e tij, 3 ditë më vonë, më datë 19 Janar 2023, prokurorja e Korçës Oli Visi nxorri një urdhër që ndalon emisionin Uniko por edhe mediat e tjera që të publikojnë çdo informacion në lidhje me këtë çështje deri në përfundim të hetimeve.

“Urdhëroj detyrimin për ruajtjen e sekretit për akte proceduariale, të dhëna dhe informacione, me interes për hetimin, lidhur me Procedimin penal Nr.433, të vitit 2022, deri në përfundim të hetimeve. Ndalimin e publikimit, qoftë edhe të pjesshëm, të akteve proceduriale apo përmbajtjes së tyre, si dhe të dhënave nga persona të tjerë që kanë dijeni për të dhëna që lidhen me procedimin penal Nr.433, të vitit 2022. Ndalimin e publikimit të këtyre akteve dhe të dhënave nëpërmjet medias së shkruar dhe asaj vizive”, thuhet në vendimin e prokurores Oli Visi.

Më 20 Janar, gazetari dhe drejtuesi i emisionit Uniko, Spartak Koka u paraqit në Policinë e Korçës për të dhënë shpjegime për çdo rrethanë që ai ka dijeni lidhur me ngjarjen dhe dorëzoi telefonin e ri nga ku u hapën me miratimin e pjesëtarëve të familjes, 4 profilet e Facebook-ut dhe 4 profilet e Instagramit të të ndjerit Martin Çeço.

“Kam dhënë shpjegim të detajuar për ato çfarë di dhe kam marrë dijeni për rrethanat e vdekjes së Martin Çeços dhe informacione të cilat unë i kam marrë dhe jam vënë në dijeni gjatë kohëve dhe ditëve të fundit dhe kam dorëzuar të gjitha të dhënat për Facebook-un dhe adresat e Facebook që kishte në përdorim Martin Çeço, të cilat ishin të lidhura me numrin e tij të telefonit. Gjithashtu dhe një kopje të plotë të të gjitha informacioneve të adresave të Facebook. Po ashtu, kam dhënë informacion të plotë rreth bisedave që kam zhvilluar me 3 persona nga Pogradeci, të cilët dyshohet të kenë qenë kontakt i fundit i Martin Çeços. Nga ky moment më është komunikuar që për këtë çështje ka një urdhër të prokurores Oli Visi për ruajtjen e sekretit dhe ndalimin e publikimit të akteve dhe përmbajtjes së tyre. Një urdhër të cilin emisioni Uniko ka vendosur ta respektojë në të gjithë pikat e tij dhe këtë javë ndryshe nga sa ju premtuam nuk do publikojmë asgjë deri në përmbylljen e hetimeve paraprake për procedimin numër 433 të vitit 2022. Urojmë që këto të dhëna që kemi dërguar, të dhënat që ka policia dhe prokuroria dhe hetimi që kanë bërë ata të shërbejnë për zbardhjen e plotë dhe përtej çdo dyshimi të arsyeshëm të një vrasje shumë misterioze, vrasja e Martin Çeços, një 26-vjeçari nga fshati Kolanec i Maliqit i cili u gjet 3 ditë pasi kishte humbur kontaktet me familjarët, i mbytur në rezervuarin e fshatit”, u shpreh gazetari Spartak Koka.

#Uniko #SpartakKoka #KlanPlus | Misteret e pazbardhura të kronikës. Çështjet më të bujshme të drejtësisë në vend. Që nga historitë më të fundit deri tek ato që tashmë janë harruar.Me dëshmi, intervista,pamje dhe dokumente të papublikuara më parë.

SUBSCRIBE to “RTV KLAN” on YouTube for more videos!

Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]

свернуть