#oranews #ervismartinaj #fushekuqe #shtepiamartinajt
Katër muaj pas denoncimit për zhdukjen e tij, Forcat Speciale kanë bastisur banesën e Ervis Martinajt në Fushë-Kuqe. Pas kontrolleve efektivat e mbërritura nga Tirana mbajtën zonën të rrethuar për pesë orë, pa arritur të gjejnë asnjë gjurmë apo provë për fatin e ish-bosit të lojërave të fatit. Bastisja është kryer me urdhër gjykate, por nuk dihet nëse aksioni është korrigjim i një anomalie policore gjatë hetimit, apo një pikë kthese në pistat e hetuesve për ngjarjen. Prania e forcave special të policisë nga FNSH dhe RENEA në dyert e banesës së Ervis Martinajt një ditë pas festës së Krishlindjes ka rikthyer edhe njëherë në vëmendje zhdukjen e mistershme të ish-bosit të lojërave të fatit në vend.
Shtëpia e ngritur me mure të lartë e rrethuar me tela me gjemba, e vëzhguar nga kamera të sigurisë në çdo skaj u mbajt e rrethuar për mbi pesë orë nga oficerët e mbërritur nga Tirana me maska e me armatime të rënda. Sipas të dhënave, qëllimi i kontrolleve është gjetja e Ervis Martinajt ose e provave që mund të çojnë tek ai.
Por kjo ndërhyrjë me forca të shumta e vonuar në kohë, plot 4 muaj pas denoncimit për zhdukje, duket se fsheh ose një zhvillim të fortë në hetimet e ngjarjes, ose një anomali policore.
Kjo pasi çuditërisht, banesa e Martinajt nuk është kontrolluar më parë edhe pse Prokuroria e Kurbinit ka kryer dy muaj më parë edhe një bastisje tjetër, jo në ambjentet e familjes Martinaj, por Durrës tek miqtë e personit të shumë të kërkuar.
Por edhe në qytetin bregdetar ku dyshohet se Ervis Martianj shkeli për herë të fundit, nga kontrolli nuk u arrit asnjë e dhënë e vlefshme.
I vetmi person që policia këmbëngul se e di të vërtetën mbi fatin e Ervis Martianajt është i ish-efektivi i policisë Jeton Lami.
Ai për asnjë moment nuk ka hapur gojën para hetuesve edhe pse tentativat kanë qenë të shumta.
Që prej 8 gushtit kur Komisariati i Policisë Kurbin ka administruar denocimin për humbjen e kontakteve të familjes me biznesmenin Ervis Martinaj, levizjet për sigurimin e provave kanë qenë të pakta.
Për këtë arsye kryeministri Edi Rama gjatë prezantimit të Muhamet Rrumbullakut sfidoi policinë, duke i ngarkuar detyrën për ti shpjeguar publikut çfarë ka ndodhur me të shumëkërkuarin.
Por deri tani në këtë drejtim duket se nuk është bërë asgjë më shumë sesa deklaratat periodike, ku zyrtarët e policisë thonë se hetimi është në rrugë të mbarë.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
Ещё видео!