Մենք բոլորս ստեղծված ենք որոշակի կարգով ու օրենքով։ Բայց եթե դուք հակառակ գնաք այն օրենքին որով ստեղծվել ու կառավարվում է ձեր կյանքը, ապա դուք ինքներդ ձեզ վերք կհասցնեք: Եթե շուտ չհրաժարվեք այդ հակառակությունից, ապ վերքը կլինի մահացու: Օրինակ, Աստված մեզ ստեղծել է ու ասել, որ տղա ջան, աղջիկ ջան, քեզ օրը գոնե մի անգամ ուտել ու ջուր խմել է պետք։ Եթե դու դրան համառես ու մի քանի շաբաթ ջուր չխմես, ապա կմեռնես։ Իսկ եթե մի որոշ ժամանակ էլ հաց չուտես, էլի երկար չես ձգի։ Նույնպես է Աստծու դրած օրենք ասում է, որ տղա ջան, աղջիկ ջան, քեզ համար պետք է որ ազնիվ արպես, գողություն ու շնություն չանես, խոնարհ լինես, հեզ լինես, համեստ լինես, ագահություն չանես, սիրես քո Աստծուն ու քո մերձավորին։
Բայց շատ մարդիկ սա չեն լսում ու չեն հասկանում որ սրան հակառակելով իրենք իրենց մահացու վերք են հասցնում։ Դրա համար էլ Տեր Հիսուսը մի Ավետարանում մի քանի անգամ ասում է, "զգույշ եղեք ինքներդ ձեզանից․․․"։ Հիմա աշխարհում շատ մարդիկ ծաղրում են Աստծո օրենքը: Աստուծո օրենքին կարող էք ձեռ առնել, բայց դրանով դուք միայն օրենք չէք խախտում, այլ սեփական անձին վերք հասցնում: Եթե մեկը բարձրանա 5րդ հարկ ու իրեն ցած նետի որովհետև նա ուզում է հակառակվել ձգողականության օրենքին, ապա նա իրեն մահացու վերք կհասցնի, այլ ոչ թէ միայն ձգողականության օրենք կխախտի: Սիրելի բարեկամ, դու պետք է սա հասկանաս: Պետք է ճանաչել Աստծո օրենքն ու հրաժարվել չարությունից:
Մի այսպիսի բան կա, որ կոչվում է աղոթքով պատերազմակից լինել, աղոթքով մարտակից լինել: Պողոս առաքյալը Հռոմում ապրող Քրիստոնյաներին խնդրում էր, որ իրենց աղոթքներով իրեն մարտակից լինեն անհավատության դեմ պայքարում (Հռոմ. 15:30): Մեր ազգի առաջ ողորմության դռները կբացվեն, երբ որ ավելի շատ մարդիկ սկսեն Աստծո երկյուղն ունենալ:
Տեսեք Սրբազան Հայաստան նախաձեռնության առաջարկը, որ դրվել է Սրբազան Հայաստան էջում։
Երբ որ ավելի շատ հայ մարդիկ Քրիստոնեությունը մեկնաբանեն ոչ թէ իրենց ուզածի ձևով այլ իսկապես հնազանդվեն Քրիստոսին: Հիմա ձեզանից նրանք, ովքեր հասկանում են այս բաները, և մտահոգ մեր ապագայով, խնդրում եմ, աղոթքով պատերազմակից լինենք, որպեսզի Աստված մեր ազգին օգնի դարձի գալ: Եթե դուք զղջում էք ձեր մեղքերի համար ու հավատքով աղոթում, դա մեծ ուժ է: Խնդրում եմ, միշտ աղոթեք մեր ազգի դարձի համար: Մեր իրավիճակը միայն մեր Երկնավոր Հայրը կարող է բուժել:
