Zham.am-ի «Դեմքեր» հաղորդման հյուրը «Բարգավաճ Հայաստան» խմբակցության պատգամավոր Վահան Բաբայանն է:
Պատգամավորի հետ զրույցում այլ թեմաներ հետ անդրադարձել ենք նաեւ Գագիկ Ծառուկյանի անվան շուրջ տարածված խոսակցություններին:
Բանն այն է, որ որոշ լրատվամիջոցներ տարածել էին, թե եվրոպական խորհրդարանականների եւ քաղաքական գործիչների համատեղ գրավոր կարծիքում շատ «հետաքրքիր» դրվագներ կան, որոնք իբրեւ թե ԲՀԿ-ի մասին հետաքրքիր «բացահայտում են» անում: Այդ կարծիքում մասնավորապես նշված էր. «Կուսակցությունը (ԲՀԿ-ն) թողեց ոչ թե իսկապես արժեքների վրա հիմնված կառույցի, այլ սոսկ իշխանություն զավթելու եւ այն ավելացնելու գործիքի տպավորություն»: Հայկական լրատվամիջոցներին այս կարծիքը կապել էին Գագիկ Ծառուկյանի` Բրյուսել այցելության հետ:
Մինչդեռ, ըստ Վահան Բաբայանի, դա վաղուցվա պատմություն է եւ բնավ կապ չունի Գագիկ Ծառուկյանի բրուսելյան այցի հետ: «Առավոտվանից որոշ «լրատվամիջոցներ» չգիտես ինչու, «հայտնաբերել» են այդ կարծիքը եւ սկել են լայնորեն տարածել: Տպավորություն է, թե այդ հայտարարությունն արվել է այսօր եւ արվել է պրն. Ծառուկյանի` Բրյուսել այցելության շրջանակներում: Բայց հիշեցնեմ, որ Հունգարիայի վարչապետ Վիկտոր Օրբանը, ով ադրբեջանցի ոճրագործ Ռամիլ Սաֆարովի արտահանձնման գործում բացառիկ ավանդ ունեցավ, հանդիսանում էր նույն այդ Եվրոպական ժողովրդական կուսակցության փոխնախագահը, և նախագահական ընտրությունների շեմին հանդուրժողականության կոչեր անող ՀՀԿ-ի երիտասարդների ռահվիրայի կողմից Հայաստանում առկա ներքաղաքական հակասությունները դեպի Եվրոպա ուղղելը առնվազն հակասում է մեր ազգային շահերին, մանավանդ որ Հունգարիայի հյուպատոսության վրա լոլիկների երբեմնի նետման ջատագովներից մեկը հենց ինքը՝ Կարեն Ավագյանն էր: Գուցե եվրոպացի պաշտոնյաներին ավելի զարմացներ այն փաստը, երբ իմանային, որ, ի տարբերություն Գագիկ Ծառուկյանի, իշխանական կուսակցությունը հմտորեն թաքցրել էր իր և իր անդամների «սուղ» միջոցների առկայության փաստը, մինչդեռ մեր ժողովուրդը լավ գիտի, որ դրանք տարբեր ոլորտներում ունեցած մենաշնորհների կամ ատկատների արդյունք են, մինչդեռ Գագիկ Ծառուկյանի գործունեության մեխը ժողովրդի բարեկեցության ապահովումն է, և որքան էլ ՀՀԿ-ամերձ գործիչներն ու լրատվամիջոցները փորձեն ցեխ շպրտել ԲՀԿ-ի գուրծունեության վրա, միևնույնն է, դրանք ԲՀԿ-ին չեն հասնում, իսկ իրենց ձեռքերը վաղուց ցեխոտ են»:
![](https://i.ytimg.com/vi/-G6Q4NW8wHQ/mqdefault.jpg)