Ang Magandang Balita Ayon Kay Lucas
Panimula
Ipinapakilala ng Magandang Balita ayon kay Lucas na si Jesus ang ipinangakong Tagapagligtas ng Israel at ng buong sangkatauhan. Ayon sa aklat ni Lucas, si Jesus ay hinirang ng Espiritu ng Panginoon upang ipangaral sa mga mahihirap ang Magandang Balita (4:18-19). Kaya't kapansin-pansin na sa aklat na ito ipinapahayag ang matinding malasakit ng Diyos para sa kanila. Sa ganitong paraan, lalong nabigyang-diin ng may akda ang kahalagahan ng Magandang Balita para sa mahihirap at naaapi.
Nangingibabaw din sa aklat na ito ang kagalakan lalung-lalo na sa mga unang kabanata na nagsasalaysay tungkol sa kapanganakan ni Jesus, at sa mga huling kabanata na nagsasalaysay naman tungkol sa pag-akyat ni Jesus sa langit. Ang sumulat ng aklat na ito ay siya ring sumulat ng aklat ng Mga Gawa, na naglalahad naman ng paglago at paglaganap ng pananampalatayang Cristiano matapos umakyat sa langit si Jesus.
Dito lamang sa aklat na ito matatagpuan ang mga salaysay tulad ng pagpupuri ng mga anghel at ang pagdalaw ng mga pastol nang ipanganak si Jesus, ang salaysay tungkol sa batang si Jesus sa loob ng templo, ang mga talinhaga tungkol sa mabuting Samaritano, at sa anak na naligaw ng landas. Binigyan din ng matinding diin sa aklat na ito ang kahalagahan ng panalangin, ang kapangyarihan ng Espiritu Santo, ang bahaging ginampanan ng mga kababaihan sa ministeryo ni Jesus, at ang pagpapatawad ng Diyos sa mga makasalanan.
Kapansin-pansin sa aklat na ito ang kakaibang pagpapahalaga ng may akda para sa mga mahihirap at inaapi. Ipinapakita nito na si Jesus ay naglaan ng kakaibang pakikitungo at pagmamahal para sa kanila.
Credits:
-Para sa background videos
[ Ссылка ]
-Para sa background music
[ Ссылка ]
Mood Videos - Creative Background Music
#lucas
#tagalogaudiobible
#audiobible
#magandangbalita
#tagalogbible
#luketagalog
#bible
#magandangbalitaayonkaylucas
#tagalogprayer
#tagalogprayers
#jesus
#salitangdiyos
#luke
![](https://i.ytimg.com/vi/-GMetd1kthU/maxresdefault.jpg)