Tutan Coronavirus hi vawleipi a cul caah mi lungre a theihter i, mi nunnak tampi a liam caah sipuazi zong tam tuk an sung cang. Zeizatdah mi nunnak an liam rih lai i, an sungh rih lai ti hi theih khawh a si lo. Asinain vawlei ah a cang mi thil vialte hi Bawipa nawlpeknak tel loin a cang mi pakhat hmanh an um lo.

Hi bantuk harnak, nganfahnak, lungretheihnak le thihlohnak vialte hi Pathian nih sunparnak a co khawhnak ding caah a si. Pharaoh lung a hah tertu cu Pathian lila kha a si. Asinain hi harnak hin mi tampi nih khamhnak an co si ahcun van le vawlei nih a cawk khawh lomi thil a si caah a phu ko. Khamhnak co hi zeizong vialte nak in a sunglawi deuh.

Harnak kan ton mi hi zumhnak a ngei lomi nih cun cu ruang ah, kha ruang ah kan ti tawn nain cunglei in tawh a tlaitu le nawl a petu cu Bawipa a si.

Harnak hi Bawipa he cun pah khawh a si ko. Bawipa he cun tei khawh a si ko. Bawipa he a tang mi harnak vialte zong hi kan ton ahcun kan pah khawh ko lai.

свернуть