Елбасының БҰҰ Қауіпсіздік Кеңесінде жасаған мәлімдемесіне қатысты Өзбекстандағы Олий Мәжілісінің депутаты өз пікірін білдірді.
Ол Мемлекет басшысының баяндамасын кешенді құжатқа теңеп отыр. «Онда бір ұлттың ғана емес, әлем назарындағы жалпыға ортақ мәселе көтерілген», – дейді депутат.
«Назарбаев Орталық Азияны ядролық қарудан азат аймаққа айналдырды. Сириядағы қақтығыстарға қатысты Астана сындарлы келіссөздер алаңына айналды. Қазақстан қолында бар қарудан бас тартып, Семей сынақ алаңын жапты. Осылайша Қазақстан жиырма бірінші ғасырда ядролық қарусыз да жетістікке жетуге болатынын өзгелерге дәлелдеп берді. Дүниежүзілік қауымдастық төрінде өзгелерді ядролық қарудан азат болуға шақырған Назарбаевтың мәлімдемесін ел болып қолдауымыз керек», – дейді Өзбекстандағы ең жоғарғы кеңес депутаты.
Акмал Рахманов, Өзбекстан Олий Мәжілісі комитетінің төрағасы:
– Заң шығарушы жоғарғы палатаның қорғаныс және қауіпсіздік комитеті төрағасы ретінде бұл құжатты болашаққа бағдарланған жоба дер едім. Біз қандайда бір жаңа заң жобаларын әзірлеу кезінде заманауи өзгерістерге шынайы қарап, соны ескеруіміз керек деп ойламын. Адамзат ғылыми-техникалық прогрестің жоғары деңгейіне жеткенде, болашақта басқа да қатерлер болуы мүмкін. Сондықтан мен бұл баяндаманы ертеңгі күнді ойлап, біздің алыс та жарқын болашағымыз үшін жасалған маңызды құжат деп санаймын. Мұның құны өте жоғары.
![](https://i.ytimg.com/vi/-UHqqjDysII/maxresdefault.jpg)