Cəlilabad sakinini ilan sancdı
Cəlilabad rayonunda ilansancma hadisəsi baş verib. Hadisə rayonun Axtaxana kəndində qeydə alınıb. Kənd sakini Rasim Sadıqov həyətyanı sahədəki bostandan xiyar yığarkən kol altında olan ilan onun sol əlinin barmaq nahiyəsindən sancıb. O, yaxınları tərəfindən dərhal Cəlilabad Rayon Mərkəzi Xəstəxanasına çatdırılıb. Xəstəyə ilan zəhəri əleyhinə zərdab vurulub və digər tədbirlər görülüb. Hazırda Rasim Sadıqovun vəziyyəti orta ağır olaraq qalır.
