PESOAL SAUDE NO DOTORA KLINIKA BAIRUPITE HALAO ESCRENING IHA MUNISPIU ERMERA DURANTE LORON 2.

News media Ofecial CBPL data 18-10-2021. Atu elimina moras TBC iha pais Timor-Leste presija servisu makas husi pesoal saude sira liu-liu halo desiminasaun informsaun ba komunidade inklui halao mos escrening ba komunidade sira iha area remotas atu bele identifika komunidade sira ne’ebe maka iha sintomas ruma kona ba TB.

Tuir Dotora Franscisca Orleans katak, Objetivu husi Vizita ne’e hodi halo escrening no konsulta hotu ba familia sira ne’ebe maka antes ne’e iha ona kontaktu besik ho pasiente TB.

Maske nune’e Francisca Orleans aumenta liu tan katak, Moras TBC nia sintoma maka mear liu ona semana rua, kalan toba sempre kosar, han isin nunka sae, isin manan no malirin, TB iha Tipu rua maka hanesan Pulumaun no Extra Pulumaun.

Entertanto nia aumenta, atu halo prevensaun ba moras TBC maka pesoal Saude no dotora hakarak fo hotu tratamentu ka konsulta ba familia sira ne’ebe maka antes ne’e iha ona kontaktu besik ho pasiente moras TBC atu nune’e labele dait tutan moras ne’e ba ema seluk no labele hetan tan moras ne’ebe maka hanesan.

Francisca Orleans konfesa atu prevene familia sira husi Moras TBC maka ema ne’e diak ou moras ona tenki konsumu hotu aimoruk prevensaun ba moras Tuberkuluze nian.

Aktividade escrening ba nebe’e maka Ekipa Klinika bairopite halao iha Munisipiu Ermera Postu Administrativu Letefoho suku Katrai Leten aldeida Fahi Luha, no postu Administrativu Atsabe Suku Boboe Kraik aldeia lelobere halo komunidade sira apresia no kontenti tebes tamba ho aktividade refere bele ajuda ona komunidade sira iha area refere hodi proteje an husi Moras TB.(*remata)

======Media Ofecial CBPL==========
Jornalista : Joni Calvario, L.Agr.
Editor Texto : Jonito Ronaldo de Jesus, B.Ec, L.Ec.

свернуть