#oranews #tirane
Djegia e katër automjeteve në garazhin e një pallati në zonën e "Astirit" në Tiranë rrezikoi jetën e gjithë banorëve ndërkohë që tetë prej tyre përfunduan në spital. Zjarri i fuqishëm dyshohet se ka qenë i qëllimshëm në automjetin e ndërtuesit të pallatit dhe më pas është përhapur edhe tek 3 automjetet tjera. Përdoruesi i makinës së djegur dhe vëllai i tij kanë pasur konflikte të vazhdueshme për shkak të shitjes së apartamenteve. 8 persona shkuan në spital pasi patën probleme me asfiksinë.
Tiranë- Flakët që shpërthyen në makinën tip Range Rover dhe që provokuan një zjarr të fuqishmën në pallatin 10 katësh në Unazën e Re në rrugën "Aleksandri i Maqedonisë" (tek Astiri) duket se kanë qenë të qëllimshme.
Fillimisht zjarri ka nisur në pjesën e garazhit ku janë djegur 4 makina të tjera e ndërsa janë lënduar 8 qytetarë.
Disa nga banorët të friksuar kanë dalë nga apartamentet duke qëndruar në shesh-pushimin e pallatit ndërsa për evakuimin e të tjerëve është dashur ndërhyrja e forcave të emergjencës me vinç.
Paraditen e sotme (21 qershor) brenda pallatiti 10 katësh duket se çdo gjë është mbuluar nga tymi e ndërsa pjesa e që shërben për daljen e tymit në rast zjarri nuk ka funksionuar.
Banorët thonë se nuk po arrijnë të rikthehen brenda pasi era e fortë e bën të pamundur qëndrimin në shtëpi ndërsa shtojnë se forcat zjarrfikëse kanë ndërhyrë me vonesë.
Një tjetër e moshuar në katin e 3 të pallatit tregon se para flakëve është dëgjuar një shpërthim i fortë në pjesën e garazhit.
Policia dyshon se origjina e zjarrit ka qenë automjeti në përdorim të pronarit të pallatit Dritan Llanaj, i cili është njëkohësisht vëllai i Sino Llanaj, edhe ky ndërtues, i arrestuar më herët disa herë më parë për shkak të konflikteve lidhur me shitjen e apartamenteve.
Flakët më pas janë shpërndarë nga automjeti 'Range Rover' tek 3 makina të tjera që ishin parkuar aty ngjitur duke shkaktuar asfiksim dhe probleme shëndetësore tek tetë persona që kërkuan ndihmë në spital.
Për më shumë lexoni në: [ Ссылка ]
Follow Televizionin Ora News
Website: www.oranews.tv
Youtube [ Ссылка ]
Facebook: [ Ссылка ]
Instagram [ Ссылка ]
Twitter [ Ссылка ]
