Në një letër të gjatë drejtuar votuesve dhe kolegëve të tij deputetë, ish-zv/Kryeministri Arben Ahmetaj hedh poshtë akuzat e ngritura nga SPAK-u, duke sqaruar se hetimi i nisur ndaj tij për inceneratorët është i pabazuar në fakte e prova dhe se në skaner të prokurorëve është vënë jeta e tij për 25 vite.
“Hetimi im s’ka pasur fare të bëjë me inceneratorët, se unë për shkak të pozicioneve s’kam pasur tagër të përfshihem në procedurat e tenderimit. Është hetuar Arbeni, jeta e tij për 25 vite, dhe jo procedura”.
Mohon të ketë miqësi me Klodian Zoton, duke sqaruar se me këtë të fundit thjesht ka pasur njohje të vjetër.
“Akuzohem për njohje të hershme me një njeri i cili kur unë e kam njohur ka qenë njeri normal e në punën e vet. Nuk besoj se njohja me dikë që ndoshta drejtësia e akuzon, të bën të akuzuar apo bashkëpunëtor. Klodian Zoto, s’ka qenë kurrë miku im”.
Poshtë hedh një ndër akuzat e ngritura nga SPAK, duke ftuar drejtësinë të lexojë ligjin.
“Akuzohem se kam bërë alokime e rialokime me kërkesë gjithmonë të ministrive të linjës, si Ministër Financash. Ejj, Ministri i Financave bën gati 2000 rialokime e alokime e çelje investimesh në vit. Kush e njeh ligjin e Buxhetit qesh me këtë akuzë. I lutem institucionit të drejtësisë ta lexojë këtë ligj”.
Jashtë vendit thotë se është larguar për arsye personale përpara se kërkesa e SPAK-ut për heqjen e imunitetit të tij të mbërrinte në Kuvend.
“Me kanë quajtur “në arrati”. Mendoj që kam ikur për arsye serioze familjare (një pjesë e miqve te mi e dinë përse) dhe besoj e mendoj kam ikur përpara se kërkesa e SPAK-ut për imunitetin tim të ketë shkuar në postë për të arritur pas disa ditësh në Kuvend. Kush ka qejf për ‘scoop’ ta quajë ‘arrati’. Dhe Luigjit të XVI iu dha katër ditë kohë përpara se t’i pritej koka, ndërsa mua e avokatëve të mi, as 24 orë (17 orë gjithsej) për një dosje 230 faqe e mbushur me supozime e ndoshta ‘palë të treta’ e një material 60 GB”
Ish-zv/Kryeministri pohon se ka marrë mesazhe kërcënuese dhe se nuk do të kthehet pa dalë në sheh e vërteta rreth tij.
“Kam marrë kërcënime (i kam me screenshot e me zë ndoshta), madje së fundi dhe një mesazh triumfi si mirëseardhje… Nëse do ta meritoj, sigurisht që do ndodhi… po jo përpara se e vërteta të marri rrugë e dritë”.
Nuk përmend asnjë emër se kush dëshiron që ta shohë në burg, teksa jep jo pak mesazhe të koduara në letrën e tij të gjatë.
“Dikush nga gazetarët tha që jam në 30 vite zyrtari me i lartë që kanë qejf të më shohin në burg. Avokati im në Këshillin e Mandateve citoi një thënie të vjetër nga Franca “E shoh që dy zgjidhje të mundshme ka në tavolinë, ose do të bjerë koka e mbretit, ose ju do të duhet të pranoni dështimin e revolucionit”.
Letrën e tij të gjatë ish-zv/Kryeministri e mbyll duke i kërkuar falje votuesve të tij, teksa lë të hapur një tjetër mesazh për të vërtetën e tij që thotë se ‘e di vetëm Zoti’.
Tv Klan
SUBSCRIBE to “RTV KLAN” on YouTube for more videos!
Email: info@tvklan.al
Për më shumë informacione vizitoni faqen tonë web [ Ссылка ]
Videot e fundit nga Tv Klan i gjeni në faqen [ Ссылка ]
Follow Tvklan on Facebook: [ Ссылка ]
Follow Tvklan on Instagram: [ Ссылка ]
Programet e Tv Klan mund t’i ndiqni edhe në faqen [ Ссылка ]
