Jesuh Lawng kan Himnak

1. Bawipa na khuakhan remruat, na lairelnak tel loin, vawlei ah zeithil hmanh a tlung bal lo, na rak timh ciami an si, zawtnak harnak tilet le, ral le rai kan timi hmanh, na biathiang thlintertu ding le, na biakam tlinnak an si.

Zeizong cungah nawl ngeitu,
Caan vialte a uk dihtu le,
Hmailei caan hngaltu na si,
Nangmah siannak tel loin,
Kan ralpa Satan hmanh nih,
Kan cungah zeithil hmanh
A tuah kho lo, bawipa kan dirpi
Hram ko.
(Nang loin zeihmanh kan tuah
Kho lo, bawipa run rak kan
Bawm hram ko)

2. Ram kip ah dohnak a thang, zawtnak rai a karh chin ee, lihnih mangtam le thlichia hna nih, minung nunnak a hrawh i, Doctor thiamsang hna zong nih, zawtnak an damh kho ti lo, jesuh rat lai hmelchunhnak, pakhat hnu pakhat an tling.

3. Unau tha tein ruat hmanh, bawipa bia a rawk bal lo, sermi thil vialte an rawk dih lai, a hmun dingmi an um lo, daitlang in na um sual maw? Na thlarau zei a lawh lai, kan tonmi harnak vialte chungin, thlarau nun fim cawng usih!

4. Nihin le thaizing kongah, hnabei in lengmi kan si, kan nunnak nih zeidah a ton te lai, ahohmanh nih kan hngal lo, hmunkip ah ralzam an karh, himnak hmun a um ti lo, jesuh lawng kan himnak lungpi a si, amah panh cio cang usih!

свернуть