Amateka ya Ange Kagame umukobwa wa Nyakubahwa Prezida wa Repubulika y'u Rwanda Paul Kagame na Madame Jeannette Kagame.
Ange Ingabire Kagame, ni first daughter w’u Rwanda, bivuga ko ari umukobwa uvuka muri first family, umuryango w’umukuru w’igihugu cy’u Rwanda Paul Kagame, n’umufasha we Madame Jeannette Kagame.
Ange Kagame ni umwana wa Kabiri mu bana 4 bagize umuryango w’umukuru w’igihugu cy’u Rwanda, yavutse ku wa 8 Nzeri 1993, avukira I bruseli mu Bubiligi, icyo gihe yavutse Papa we ari ku rugamba rwo kubohora igihugu. Ange Kagame afite basaza be batatu, aribo Ivan Cyomoro, Ian Kagame, na Brian Kagame.
Ange Kagame yize mu ishuri rya Dana Hall, ishuri ryigenga riherereye muri Massachusetts muri Leta zunze ubumwe za Amerika. Kaminuza yayize muri Smith College aho yize ibijyanye na siyanse ya politiki, hamwe n’ibindi bijyanye no kwiga ibijyanye na Afurika, aha yahakuye impamyabumenyi y’icyiciro cya kabiri cya Kaminuza. Arangije icyiciro cya kabiri cya kaminuza, yakomereje mu cyiciro cya gatatu cya Kaminuza Masters degree, mu mibanire mpuzamahanga, akaba yarakuye iyi mpamyabumenyi muri kaminuza ya Columbia.
Mu 2014, Ange Kagame yaherekeje se Perezida Paul Kagame, muri White House, bagiye gusangira na Perezida Barack Obama. Muri uku gusangira, hari mu nama y’iminsi itatu y’abayobozi b’Amerika na Afurika, bakaba barateranye muri Kanama uwo mwaka, aho abayobozi b’ibihugu byinshi bya Afurika bahuriye, kugira ngo baganire ku bucuruzi, ishoramari n’umutekano by’umugabane. Muri uku gusangira, bakiriwe na Barak Obama, n’umufasha we Michelle Obama.
Ange Kagame, afite umwihariko wo kuvuga neza igifaransa, icyongereza, n’ikinyarwanda nk’ururimi gakondo rw’abanyarwanda. Akunda gukina umukino wa basketball, akaba n’umufana wa Boston Celtics, akaba n’umufana w’ikipe ya Arsenal, ikipe ahuriyeho na Papa we.
Kuwa 28 Ukuboza 2018,Ange Kagame yarasabwe anakwa na Bertrand Ndengeyingoma, hanyuma ku wa 6 Nyakanga 2019, barasezerana.
Nyuma y’umwaka bashinze urugo, Ku Cyumweru tariki 19 Nyakanga 2020, uyu muryango wibarutse umwana wabo w’imfura.
Ange Kagame, yashimiye itsinda ry’abaganga, abaforomo n’ababyaza bo mu bitaro byitiriwe Umwami Faisal, bamufashije kwibaruka umwana w’imfura we n’umugabo we Bertrand Ndengeyingoma.
Icyo gihe Perezida Paul Kagame yatangarije kuri twitter ko we n’umuryango, banejejwe no kwitwa ba sogokuru na nyogokuru, kandi ko bishimiye kubona umwuzukuru.
Mu butumwa Ange Kagame nawe yanyujije kuri twitter, na we yashimiye abantu bose baboherereje ubutumwa bubashimira, kandi agira ati "Tunejejwe no kwitwa ababyeyi b’aka kamalayika gato”.
Ku wa 20 Nyakanga 2022, uyu muryango wibarutse umwana wa Kabiri ubuheta, bikavuga ko kugeza ubu bafite abana 2.
Kugeza ubu, Ange Kagame yakoze ibikorwa byinshi bikomeye bitandukanye, Yagize uruhare mu kongerera ubushobozi abagore, yagize uruhare mu burezi, kurwanya ubukene, ndetse yanagize uruhare mu bukangurambaga bwo gukingira imbaga, n’ibindi bikorwa bitandukanye, kandi arakomeje.
#isanirotv #AngeKagame #paulkagame #JeannetteKagame #Rwanda
#FirstfamilyofRwanda
![](https://s2.save4k.ru/pic/-sYL1R55njo/maxresdefault.jpg)