Rumnak (Prosperity or Wealth) le Damnak (Healing) kong Bible in biaruahnak (Talk Show) a si. Nihin vawlei ah a laar taktak mi le thawngttha chimtu tampi nih an aupi bik mi zong a si caah a biapi tuk. Liberal pawl nih rumnak thluachuah (Prosperity) hi an uar ngai i, Pentecostal pawl nih Healing he Prosperity he a pahnih in thawngtha an chimnak ah sio rawl ah an hman bik mi a si ve. Biblical Preachers pawl le Biblical Christians pawl nih a pahnih hin a si lo, Jesuh kan ngeih ahcun zei paoh kan ngeih dih cang, a duh ning in Bawipa nih a kan hruai ko lai tiah an al zungzal ve hna. Lung a buai ngaimi kong a si caah Bible ah zeitindah a um i, zeidah kan caah sullam a ngeih ve timi ngaih khawh rak i zuam ve hrimhrim. Tutan bialettu hi Rev. Hoi Cung Tum le Rev. Thawng Dun an si. A hmun - GBC, Hakha
Rev. Hoi Cung Tum hi Grace Baptist Church, Hakha a dirka in Church Pastor a ttuanmi a si i, tu hi kum 13 hrawng a ttuan hnu ah Senior Pastor in aa dinh lio a si. A ttuan chungah Bawipa nih thluah a chuah hna i, member tampi an karh. Chin Baptist Convention, Hakha zong a dir i, Khrihfa bu tampi an i komh. An ngan ngaingai te lai tiah rak zumh mi an si. Seven Ones Private sianginn zong a tuah. Hlan deuh ah Bible sianginn zong a rak thok. Ramkip ah mirang holh in siseh, Lai holh in siseh Bawipa nih a ram caah a hman taktak mi Biblical Preacher a si. Bible sianginn a dihka in Christ For Every Creature Ministry a tuah. Bawipa nih Thlarau tlau tlaitu le Pathian Bia kilvengtu ah a hman ngaingai mi a si. Bawipa nih hmailei zong a hman lai tiah kan zumh. Bawipa nih a hman caah mi tampi nih Bible kan pemh i, piantharnak zong kan hmu. Tu hi Bible a leh lio a si. Kum 3-5 kar ahcun kan rel khawh cang lai tiah kan zumh. Tuhnu kum 5-10 ahcun International Speaker tiang in Bawipa nih a hman lai tiah kan zumh. A nupi cu Pi Tracy a si i, fanu pathum le fapa pahnih Bawipa nih thlua a chuah hna. A thawngtha ngaitu nih thla za cam piak zungzal hna usih.
Video Credit: Grace Baptist Church, Hakha
![](https://i.ytimg.com/vi/04-COe-h5Aw/mqdefault.jpg)