Շիրակի մարզի ընդհանուր իրավասության դատարանը 4 տարվա ազատազրկման է դատապարտել ազգությամբ եզդի Մաքսիմ Բաքոյանին: Վերջինիս դեմ քրեական գործ էր հարուցվել ՀՀ քրեական օրենսգրքի 104-րդ հոդվածի 1-ին մասով: Բաքոյանը մեղադրվում էր ազգությամբ քուրդ Էվլիյա Գյումուշթեքինի սպանության մեջ: Ըստ գործի նյութերի, Բաքոյանը համոզված լինելով Էվլիյա Գյումուշթեքինի եղբոր` Յուսուֆ Գյումուշթեքինի կողմից 2013թ. հունիսին Թուրքիայի Հանրապետությունում իր մոր` Բասե Բաքոյանի սպանության հարցում, վրեժխնդիր լինելու շարժառիթով, 2015թ. մարտի 15-ին դանակի գործադրմամբ, խմիչքի ազդեցության տակ, դիտավորությամբ կյանքից զրկել է Էվլիյա Գյումուշթեքինին:Դատավոր Վարդան Գրիգորյանն այսօր հրապարակել է դատական վճիռը:

свернуть