Կոմպոզիտոր Առնո Բաբաջանյանի «Արիա» վոկալիզ ստեղծագործությունն է՝ Լուսինե Զաքարյանի կատարմամբ:
"Vocalise" by Arno Babadjanian, performs Lousine Zaqarian.
Խորեն Պալյանը (անվանի շարականագետ, բանասեր, երգիչ, Լուսինեի ամուսինը) պատմում է, որ «Առնո Բաբաջանյանը Մոսկվայից զանգահարում է Երևան՝ Լուսինե Զաքարյանին և ասում. «Լուսինե ջան, շուտով գալու եմ: Մի երգ եմ գրել, կգաս, հատուկ քո ձայնի համար է»: Եվ երբ եկավ, ընդամենը մեկ-երկու օր էր՝ եկել էր Հայաստան, էդ նոտաներով եկավ մեր տուն և նստեց, նվագեց: Լուսինեն մի անգամ լսեց, ասաց.
«Երգե՞մ»:
Ասաց.
«Կարո՞ղ ես երգել»:
«Հա», - ասաց: Ու սկսեց երգել՝ կարծես արդեն մի քանի տարի երգել էր այդ երգը: Ուղղակի նոտայի վրայից, Առնոյի հետևում կանգնած: Առնոն էլ, գիտեք, առանց ապրումի երբեք չէր նվագում. նա էլ դաշնամուրի աստվածն էր: Եվ երգը վերջացավ: Ես էլ զարմացա: Զարմացա նախ երաժշտության հարստության վրա, զարգացման վրա: Գիտե՞ք, ճիշտ է, որ «Վոկալիզ» է կոչվում՝ առանց բառերի... փորձեցի Առնոյին ասել, որ գուցե բառեր հարմարացնի, ասաց.
«Ես վոկալիզ եմ գրել, Խորեն ջան: Երևի թե վոկալիզ ավելի ճիշտ է»:
Հետո ես հասկացա, որ իսկապես այդ երգն առանց բառերի՝ «ա»-ով շատ ավելի լավ է»:

Մանրամասն տե՛ս Շողակաթ TV-ի «Նվիրյալ անձեր» հաղորդաշարի՝ Լուսինե Զաքարյանին նվիրված թողարկման մեջ՝
[ Ссылка ]

свернуть