Абай Құнанбаевтың 175 жылдығының құрметіне арналған видео-оқу.
Оқыған/Reader: Өкімбек Сағдат/Sagdat Okimbek
Музыка/Music: Нұрғиса Тілендиев - "Құстар әні" / Nurgisa Tilendiyev- 'Qustar äni(The song of birds)''
Пианино орындаған/Pianist: Олег Переверзев/ Oleg Pereverzev
Өлең авторы/ Author of the poem: Абай Құнанбаев/ Abai Kunanbaev
Өлең аты/ Name of the poem: "Мен көрдім ұзын қайын құлағанын"/ "Men kördim uzın qayın qulağanın" (" I saw a long birch fall ")
Мен көрдім ұзын қайың құлағанын,
Бас ұрып қара жерге сұлағанын.
Жапырағы сарғайып, өлімсіреп,
Байғұстың кім тыңдайды жылағанын?
Мен көрдім ойнап жүрген қызыл киік,
Кеудесіне мылтықтың оғы тиіп,
Қалжырап, қансыраған, қабақ түскен, —
Кімге батар ол байғұс тартқан күйік?
Мен көрдім сынық қанат көбелекті,
О дағы білер өмірді іздемекті.
Күн шуаққа жылынар қалт-құлт етіп,
Одан ғибрат алар жан бір бөлек-ті.
Мен көрдім ғашық жардан уәдесіздік,
Өмірдің қызығынан күдер үздік.
Жылы жүрек суыды, жара түсті,
Шықпаған шыбын жанмен күн өткіздік.
Мен көрдім дүние деген иттің көтін,
Жеп жүр ғой біреуінің біреуі етін.
Ойлы адамға қызық жоқ бұл жалғанда,
Көбінің сырты бүтін, іші түтін.
