ughecuyc.am-ն ինտերակտիվ քարտեզ է, որը տրամադրելով տեղեկություն և ցույց տալով մատչելի երթուղայինների ճանապարհագծերը, ինչպես նաև ՀՀ բոլոր հասարակական տարածքները՝ ըստ դրանց մատչելիության, ուղեկցում է հաշմանդամություն ունեցող անձանց։ ughecuyc.am-ում հնարավոր է թողնել գրառում նոր շինությունների վերաբերյալ, գնահատել և օգտվել հետադարձ կապից:
ughecuyc.am հավելվածի գործառույթներն են․
1․ Տալ տեղեկություն տեղանքի մատչելիության մասին
«Ուղեցույց» հավելվածից օգտվողը կարող է ստանալ տեղեկություն շինությունների ներառականության կամ անհարմարավետության մասին։ Օգտվողը կարող է նոր կետի մասին (շինություն, կառույց կամ վայր) ավելացնել տեղակություն և հետադարձ կապի միջոցով թողնել կարծիք ու գնահատական այդ կետի մատչելիության վերաբերյալ։
2․ Ցույց տալ հասանելի երթուղին
ughecuyc.am հավելվածից օգտվողը կարող է տեսնել ՀՀ-ում առկա ներառական հասարակական երթուղայինների ճանապարհագծերը։
3․ Արագ դիմումներ ուղարկել կառավարությանը
Երբ որևէ վայր կամ շինություն ստանում է տասը բացասական գնահատական, հավելավածն ավտոմատ հաղորդագրություն (բողոք) է ուղարկում համապատասխան մարմիններին՝ խնդիրը լուծելու։
Տեսանյութը պատրաստվել է «Բազմազանություն» սոցիալ-մշակութային, իրավապաշպան ՀԿ-ի կողմից՝ «Companion Map Armenia» ծրագրի շրջանակներում:
Հոլովակի հեղինակային իրավունքները պատկանում են ՀԿ-ին:
ԲՍՄԻ ՀԿ-ի Մեդիա քաղաքականությունների համաձայն արգելվում է տարածել տեսանյութն առանց պատշաճ հղման և առանց գրավոր համաձայնության, ներբեռնել և վերբեռնել կազմակերպության տարբերանշանը կրող տեսանյութերը՝ առանց համապատասխան համաձայնության:
Ֆեյսբուքում՝ Ուղեցույց հավելված ughecuyc.am
Էլ․-հասցե՝ ughecuyc@gmail.com
Հեռախոս՝ +37455793507
Telegram՝ @Ուղեցույցը
#CompanionMapArmenia #CMA #Ughecuyc #Ուղեցույց #DiverCityNGO #ԲազմազանությունՀԿ
_______________________
Տեսանյութի տեքստը՝ հայերեն
Նոր վայրեր ավելացնելու ու գոյություն ունեցող վայրերը գնահատելու համար, անհրաժեշտ է գրանցվել հավելվածում: Սեղմե՛ք վերևի հատվածում գտնվող «գրանցվել» կոճակը։ Բացված ձևի մեջ լրացրե՛ք Ձեր էլեկտրոնային հասցեն, ստեղծեք գաղտնաբառ, ապա կրկնեք այն: Նշե՛ք «ես ռոբոտ չեմ»:
Հնարավոր է Ձեր՝ ռոբոտ չլինելու հանգամանքը ստուգելու համար առաջարկվի թեստ:
Բոլոր դաշտերը լրացնելուց հետո սեղմե՛ք «ստեղծել նոր հաշիվ»:
Գրանցման գործընթացն ավարտելուն պես, գրանցման ընթացքում օգտագործած էլեկտրոնային հասցեին կուղարկվի “հաղորդագրություն-հաստատում”: Եթե հաղորդագրությունը չի հայտնվել հիմնական փոստարկղում, ստուգե՛ք «սփամ» բաժինը։
Հաղորդագրության մեջ սեղմե՛ք «Հաստատել էլեկտրոնային հասցեն» հղումը: Բացվում է հավելվածում Ձեր անձնական հաշիվը։ Լրացրե՛ք Ձեր անունը, ազգանունը և սեղմե՛ք «Պահպանել» սեղմակը:
Ձեր հաշիվը ստեղծված է, այժմ կարող եք ավելացնել և գնահատել վայրեր:
![](https://i.ytimg.com/vi/0LbDgyu3Bs4/maxresdefault.jpg)