Վոլոդիմիր Զելենսկիի խոսքով՝ Մոսկվան մտադիր է նոր խոշոր հարձակում սկսել
«Ամերիկայի Ձայն»-ը ԱՄՆ-ի միջազգային լրատվամիջոցներից ամենախոշոր կազմակերպությունն է, որն իր լուրերն ու հաղորդումներն է հեռարձակում 45 լեզուներով իր ընթերցողներին, ռադիոլսողներին ու հեռուստադիտողներին:
[ Ссылка ]
[ Ссылка ]
[ Ссылка ]
[ Ссылка ]
[ Ссылка ]
Ուկրաինայի նախագահ Վոլոդիմիր Զելենսկին հայտարարել է, որ Ռուսաստանը ծրագրում է լրացուցիչ զորքեր մոբիլիզացնել նոր խոշոր հարձակման համար։
Կիևը շաբաթներ շարունակ ասում էր, որ Ռուսաստանի նախագահ Վլադիմիր Պուտինը ծրագրում է կարգադրել ևս մեկ զանգվածային զորակոչ և փակել սահմանները՝ թույլ չտալու տղամարդկանց փախչել զորակոչից: Հարյուր հազարավոր տղամարդիկ լքել են Ռուսաստանը սեպտեմբերին Պուտինի հայտարարած առաջին մոբիլիզացիայից հետո:
«Մենք կասկած չունենք, որ Ռուսաստանի ներկայիս ղեկավարությունը կհավաքի բոլոր նրանց, ում կարող են՝ փորձելու շրջել պատերազմի ալիքը և գոնե հետաձգել իրենց պարտությունը», - ասել է Զելենսկին՝ հավելելով. «Մենք պետք է տապալենք ռուսական այս սցենարը։ Ահաբեկիչները պետք է պարտվեն: Նրանց նոր հարձակման ցանկացած փորձ պետք է ձախողվի»:
Հիշեցնենք, որ Ամանորի գիշերը ուկրաինական զորքերի հարվածից Մակիիվկայի զորանոցում տասնյակ զինակոչիկներ են սպանվել՝ առաջացնելով ներքին ամենալուրջ քննադատությունը Մոսկվայի դեմ:
Պուտինն անցյալ ամիս ասել է, որ հետագա մոբիլիզացիայի կարիք չկա։ Երեքշաբթի, սակայն, մի խումբ կանայք, ովքեր ներկայանում են որպես ռուս զինվորների այրիներ, կոչ են արել Պուտինին տղամարդկանց զանգվածային մոբիլիզացիա սկսել, ինչը կարող է նշան լինել, որ Կրեմլում դիտարկվում է դրա հավանականությունը:
Ուկրաինայի զինված ուժերի գլխավոր շտաբը հայտնել է, որ վերջին 24 ժամվա ընթացքում Ռուսաստանը յոթ հրթիռային հարված է հասցրել, 18 օդային հարված և ավելի քան 85 բազմակի հրթիռային հարված երեք քաղաքներում՝ Կրամատորսկում, Զապորոժիեում և Խերսոնում:
«Կան քաղաքացիական զոհեր»,- ասվում է զեկույցում։
Ուկրաինայի գլխավոր շտաբը նաև հայտնել է, որ ռուսական զորքերը շարունակում են կենտրոնանալ Բախմուտի շրջանում առաջխաղացման վրա: Այն մի քանի ամիս է ռուսական հարձակումների հիմնական թիրախն է, և այնտեղ երկու կողմերը կարող են հազարավոր զինվորներ կորցրել ինտենսիվ մարտերում։
Զելենսկին ասել է, որ կշարունակի ապավինել Արևմուտքի աջակցությանը: Գերմանիայի արտաքին գործերի նախարար Անալենա Բուրբոքը հայտարարել է, որ Պուտինի «մտքում ոչինչ չկա, բացի Ուկրաինայի կործանումից»՝ հավելելով, որ կարևոր է շարունակել զենք մատակարարել Կիևին:
![](https://s2.save4k.ru/pic/0OavcXnKoPM/mqdefault.jpg)