اقوى شيله لحمد الطويل
⚡ عواصف ابن لبدان⚡
ونخبة النخبه تحزم لها ذرب اليمين ⚡ 2019
أداء : حمد الطويل
كلمات : راشد اللواء
كلمات
هيه ياجمهور
كلنالك يا بن لبدان
والمنهوجاءفي طريقك يابن لبدان
يالله اني طالبك يامعين الصابرين
تهدي نفوس العرب والكبود تبلّها
يالله انك تصلح الشان والدعوى تزين
وعقدةٍ بين الاخوه ياربي حلّها
ياولاة الامر حنا لكم ومبايعين
صف واحد دونكم والسيوف نسلها
ابتدا وقت التحدي لجرعات الحنين
حددوه القاده اللي يظل ظلها
الصياهد صوتت واحضروها الطيبين
وكل راعي زينة للمزاين تلها
واقبلوا كل القبايل لها متنافسين
والاسامي كلها سجلت فسجلها
ونخبة النخبه تحزم لها ذرب اليمين
عاصبٍ راسه لاجلها وهو كفوٍ لها
ويلكم ويلاه حضر كعام العايلين
كبد ياسمها وكبدٍ يداوي غلها
جاكم اللي يدحم الشوط بالجنب المتين
والمراكز الاوله دايم يحتلها
احلف وانذر وانا ماليٍ منه اليدين
ذاك ابوثاعي وعسر الدروب يدلها
قدم اللي زينها فارقٍ عن كل زين
الحلا في دقها والغلا في جلها
اقبل بسودٍ غوالي تشوق الناظرين
العقول تشدها والقلوب تتلها
مرق الغرب جلال العضا شول اليدين
والمواطي من ثقلها تكاود شلها
الرقاب طوال كنها تخيل الفرقدين
تكحل عيون المنافس وذوده ملها
من تحداها وهون ترى عذره سمين
اطلب الراحه وخل الخساير خلها
وان نويت الاستخاره تراها ركعتين
كان تبغا الشور طعني توض وصلها
في مسيرتها الكبيره لجلها حاضرين
وغاية في روسنا والله ان ناصلها
ال مره هم جنبها ويام الصاملين
لابة عند اللقا مايبين ذلها
اشهد انهم محزم الجنب عون المنتخين
الديه للشمري سددوها كلها
حن ترانا نعشق الصعب والقاسي يلين
من خلقنا الله ووقفاتنا في حلها
الاوايل قسمنا من قديمات السنين
وارثينه من سلفنا وذا طبعٍٍ لها
ترقبوا الجديد أفضل شيلات مطنوخ HD
