Расиман ч1агъан
Гатадна раг, муг алай
Къарагъра лекь муквалай.
Зи дуьнядиз, мукьвалай
Атурай ви верц1и ван,
Расиман ч1агъан!
Кам-кам экъвез сувара,
Зи хиялрин цавара.
Ша зи ахвар кук1вара
Дири хъия, руьгьдин чан
Расиман ч1агъан!
Какадарна мани, къив
Мах ахъая, манидив
Са агь ч1угван лирлидив
Алугдайвал къайи къван,
Расиман ч1агъан.
Дугура зи, рик1яй гъам
Виш гьава ягъ, виш макьам.
Хъиткьин хьана вигьин хам
К1еви жеда белки тан
Расиман ч1агъан.
Эйваз Гуьлалийрин
