Dmitry Medvedev, ish-presidenti i cili tani është zëvendësshef i Këshillit të Sigurisë të Rusisë, bëri thirrje që trupat ruse që të avancojnë më thellë në territorin e Ukrainës, ndërsa Moska pretendoi se ka rrëzuar dronë dhe raketa të Ukrainës që kishin në shënjestër rajonin e Kurskut. Guvernatori në detyrë i rajonit të Kurskut, Aleksei Smirnov, shpalli një ditë më parë gjendjen e jashtëzakonshme, ndërsa ofensiva tokësore ukrainase po vazhdon dhe Rusia tha se kjo ofensivë po mbështetet nga tanket, autoblindat dhe artileria. Të enjten, Ministria ruse e Mbrojtjes pretendoi se ka rrëzuar gjashtë dronë dhe pesë raketa mbi rajonin e Kurskut dhe 14 dronë mbi rajonin e Belgorodit. Duke folur për inkursionin ukrainas në rajonin e Kurskut, Medvedev tha se Moska duhet të synojë përtej sigurimit të territoreve që Rusia pretendon se janë të sajat dhe bëri thirrje për avancim të mëtejshëm në rajonet ukrainase të Odesës, Harkivit, Dnipros, Mikolajivit dhe Kievit. Presidenti rus, Vladimir Putin, më herët ka akuzuar Kievin se ka lëshuar raketa ndaj civilëve dhe shënjestrave të banuara në rajon, ndërsa blogerët rusë proluftës thanë se një numër fshatrash janë marrë nën kontroll nga forcat ukrainase, teksa ato po avancojnë në territorin rus. Të mërkurën, Putin tha se ky operacion ushtarak “është një tjetër provokim i madh”. Zyrtarët ukrainas nuk kanë komentuar inkursionin e raportuar në Kursk, por presidenti ukrainas, Volodymyr Zelensky, tha një ditë më parë se është e rëndësishme të vazhdohet shkatërrimi i armikut. Sa më shumë presion ndaj Rusisë, aq më afër do të jetë paqja, tha ai.
Pamje:AFP
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Hakmarrja#Rusia
![](https://s2.save4k.ru/pic/0VfFU-UiBD0/maxresdefault.jpg)