Leggenda da me inventata e musicata nel 2013 e contenuta nel CD Miserere 'e me (sotto trovi testo per la traduzione vai a www.gianniaversano.it
Pulcinella si mette a seguito del corteo dei Re Magi sperando di fare finalmente la sua fortuna. Alla fine arriva da un Re che sta più iguaiato di lui e così gli regala anche il solo asino moscio che aveva, ma il centuplo è dietro l'angolo...
Versione eseguita all'Auditorium Parco della Musica di Roma con l'Orchestra Popolare Italiana di Ambrogio Sparagna.
Cristiano Califano (chitarra), Erasmo Treglia (putipù e Pulcinello), Raffaello Simeoni (Fiati stonati e Innaffiatoio).
PULLECENELLA ‘O QUARTO MAGIO
Vedite vuje che m'hev' 'a capità:
so' trenta juorne senza repusà,
appriesso a tre re magge dint' 'o deserto,
ncopp' a stu ciuccio ca nun se tene allerta.
Schiavo so' nnato e me so' abituato,
fatico e tengo pure 'a nnammurata,
io stevo sistemato 'a casa mia
e mo vaco truvanno stu Messia.
Cu Gasparre, Melchiorre e Baldassarre,
ncopp' 'e cammelle turbante e scimitarre,
io che sto areto a tutta 'a prucessione,
quanno fa notte canto sta canzone…
che fa:
Stella stella, chiara stella,
cu sta coda longa e bella,
tu ci doni la speranza
tengo 'o vvuoto dint' 'a panza.
Stella stella, chiara stella,
de stu rre tu sei l'ancella,
puortece a destinazione
ca me scenne lu cazone.
M'hanno spiegato: "nasce nu gran rre,
putente cchiù d'Erode e de chisti tre",
dice che porta la felicità,
aggio truvato chi me fa magnà.
Me levo ‘o ciuccio
e accatto dduje cammelle,
me sposo cu Assuntina e quant' è bella!
E po' na casarella ncopp' 'o mare,
appriesso a chella stella, ih che affare!
Cu Gasparre, Melchiorre e Baldassarre,
‘ncopp''e cammelle, turbante e scimitarre,
Io che sto areto a tutta 'a prucessione,
quanno fa notte canto sta canzone…
che fa:
Stella stella, chiara stella,
cu sta coda longa e bella,
Trova a chistu Salvatore
c'aggia fa lu gran signore.
Stella stella, chiara stella,
de stu Rre tu sei l'ancella,
me se so' addermute ‘e ccosce
e stu ciuccio me s'ammoscia.
Quanno a nu punto s’è fermata 'a stella
purtannoce annanz' a na rutticella,
già stevano pasture e pecurelle,
na folla cu zampogne e ciaramelle.
C' 'o ciuccio io m’avanzo chianu chiano;
ma qualu Rre? Ojmà, che cosa strana!
Nu povero criaturo mbraccio ‘a mamma,
cchiù peggio ‘e me,
gelato e muorto ‘e famma.
Cu Gasparre, Melchiorre e Baldassarre,
che hanno purtato ll'oro, 'o ncienzo e 'a mirra,
pe scarfà a chillu povero Dio
ce lasso in dono pure 'o ciuccio mio...
e mo’
Stella stella, chiara stella,
m'hê purtato â rutticella,
che sfurtuna nera nera,
so' rimasto pure appere.
Ma po' n' angelo splendente
me dicette dolcemente:
"Pulcinella, nn’essere triste,
ca pe tte mo è nato Cristo,
e l'ammore ca ll'hê dato
tutt' 'a vita t'ha salvato".
Turnaje gioia e la speranza,
s'arignette pure 'a panza...
E nu bello cammello accumparette,
ch’era ‘o cchiù gruosso e forte d' 'o deserto,
e cu priezza, cu 'a fede e c' 'o curaggio,
mo' ero ricco comm’a nu rre magio,
e cu priezza cu 'a fede e c' 'o curaggio
Pullecenella mo' era 'o quarto magio.
Ещё видео!