«Մեր ժողովուրդն առանց հայրենասիրության այն է, ինչ որ մի մարմին՝ առանց հոգու:Դա պատերազմողի բարոյական ամրությունն է, կախարդական զրահը, անվրեպ զենքը» ։
(ԳԱՐԵԳԻՆ ՆԺԴԵՀ)
«Ով որ քաջ է» հայրենասարիկան երգն է`Սահակ Սահակյանի հզորագույն կատարմամբ✊🏻🦅
Տեսանյութը` Արա Նախշքարյանի արխիվից։
_______________
Աշուղ Ֆահրադի «Ով որ քաջ է» երգը հորինված է 19-րդ դարի 70-ական թվականների վերջերին։ Գրական տեքստը լույս է տեսել հայ պարբերական մամուլում 1880 թվականին։
Այդ օրերին սուլթան Համիդ Բ-ն, Արևմտյան Հայաստանը թուրքացնելու մոլուցքով տարված, զանգվածաբար վտարում էր հայ գյուղացիներին իրենց բնակավայրերից և նրանց ավանդական հողերն ու շեները հատկացնում էր Բալկաններից ու Կովկասից տեղափոխված իսլամ գաղթականությանը։ Երգը այս իրադրության ծնունդն է։
( © Arshak Adamian )
Ով որ քաջ է ինչ կսպասե,
Արդեն ժամանակն է, թող գա,
Մահ-պատերազմի օրհաս է,
Ով որ անվախ քաջ է`թող գա։
Այս հինգ դար է մեզ կսպանեն,
Բռնի՝ կրոնքեն մեզ կհանեն,
Մեր կին, աղջիկներ կտանեն,
Պատիվ ունեցողը թող գա։
Մերթ Սասնո մեջ, մերթ ի Սիփան
Կռիվ մղենք միշտ անխափան,
Կռվելով փրկենք Հայաստան,
Այս հույս ունեցողը թող գա։
Քարե հոգի,երկաթե մարդ,
Թող հալածվե վատը նամարդ,
Անվախ քարի տակ չոքողը,
Անսխալ խփողը թող գա։
Վերջապես մենք ունենք կռիվ,
Զենքով մաքրենք պիտ մեր հաշիվ,
Մեր Հայրենյաց փառքն ու պատիվ,
Սերոբ Փաշան սիրողը թող գա։
