#ALQURAN_SADOSI
“Baqara” surasi, 91-96-oyatlar | Abdulloh qori Fayzulloh Maxdum
📚 "Bani Isroilning imonsizligi, zulmlari va hirslari"
Ushbu oyatlarda Bani Isroilning Islom dinini inkor qilishi, payg’ambarlarni qatl qilishlari, ahdni buzib, buzoqqa sig’inishlari va dunyoga bo’lgan hirslari bayon qilingan.
Tarjimasi:
91. Agar ularga: «Alloh tushirgan narsaga iymon keltiring», deyilsa, «Bizga tushirilgan narsaga iymon keltiramiz», derlar va undan keyingi narsaga kufr keltirarlar. Holbuki, u ulardagi narsani tasdiqlovchi haqdir. Ayt: «Agar mo`min bo`lsangiz, nimaga ilgari Allohning Payg`ambarlarini o`ldirdingiz?!»
92. Va batahqiq, Muso sizlarga ravshan(mo`'jiza)lar ila keldi. So`ngra, siz undan keyin zolim bo`lgan holingizda buzoqni (xudo) tutdingiz.
93. Sizdan ahdu paymoningizni olib, ustingizga Turni ko`tarib: «Sizga Biz bergan narsani quvvat bilan tuting va tinglang», deganimizni eslang. Ular: «Tingladik va isyon qildik», dedilar. Kufrlari sababli qalblariga buzoq o`rnashtirildi. Ayt: «Agar mo`min bo`lsangiz, sizning iymoningiz qanday ham yomon narsaga buyuradi!»
94. Ayt: «Agar Allohning huzuridagi oxirat hovlisi boshqa odamlarsiz xolis sizga bo`ladigan bo`lsa, gapingizda rostgo`y bo`lsangiz, o`limni orzu qiling».
95. Ular qo`llari taqdim qilgan narsalar sababidan, uni abadiy orzu qilmaslar va Alloh zulm qiluvchilarni biluvchi Zotdir.
96. Ularning hayotga eng hirs qo`ygan odamlar ekanligini bilasan. Mushriklardan birlari ming yil umr ko`rishni suyadir. Ammo uzoq umr ko`rishi uni azobdan qutqarmas. Va Alloh ularning qilayotganlarini ko`ruvchidir.
Shayx Alijon qori hamda AlQuran.uz jamoasi tomonidan sahifalarimizga joylashtirilgan materiallarga har xil o'zgarishlar kiritib tarqatish va tijoriy maqsadlarda foydalanish qat'iyan taqiqlanadi, shar'an harom hisoblanadi.
