Батыс Қазақстан облысының Жаңақала ауданы - «Көшім» жылқысы мен «Еділбай» қойының отаны. Атағы дүркіреп тұрған осы асыл тұқымды мал зауыттарынан тоқсаныншы жылдардағы тоқырау кезеңінде күй кетіп еді. Ауылдағы қолынан іс келетін азаматтардың арқасында шаруашылықтар сақталып қалды. «Бірлік» мал зауытында 15 мыңдай еділбай қойы бар. Мәскеудегі ауылшаруашылық көрмелерінің бірінде еділбай қойының қошқары 167, ал саулығы 128 келі тартып, чемпион атанған екен. Бұл қой тұқымына деген сұраныс қазір де өте жоғары. Мәселен, биыл Қостанайдағы шаруашылықтардың бірі 20, Солтүстік Қазақстан 50, Алматы облысы 80 бас қошқар сатып алған. Көршілес Ресей Федерациясының Астрахань облысы да 40 бас қошқар сұратып отыр. Аталық қошқардың бағасы 60 мың, ұрғашы қозылары 25 мың теңге тұрады. Жекешелендірудің екінші толқынында осы «Бірлік» мал зауытындағы мемлекеттің жарты пайыздық үлесі сатылады.

свернуть