Түркістан қаласында 3 тәулікте 700-ден астам әкімшілік құқық бұзушылық анықталды
Ағымдағы жылы тамыз айының 23-29 күндері аралығында жол қәуіпсіздігін қамтамасыз ету мақсатында республика көлемінде «Құқықтық тәртіп» жедел-профилактикалық іс-шарасы жүргізілуде. Осы тұста облыс орталығы Түркістан қаласының полицейлерімен жалпы 700-ден астам құқық бұзушылық анықталды.
Оның ішінде мас халде көлік құралын жүргізудің 4 жайты, қауіпсіздік белдігін тақпаудың 68 дерегі, жаяу жүргіншілерге жол бермеудің 11 жайты, жаяу жүргіншілердің жол ережесін сақтамауының 75 дерегі анықталған. Ал ҚР ӘҚБтК-нің 492-бабы «Қазақстан Республикасында тiркеусiз не жеке басты куәландыратын құжаттарсыз тұру» бойынша - 19, 440-бабы «Қоғамдық орында мас күйде келудің» -16, 434-бабы «Ұсақ бұзақылықтың» -57, 73-бабы «Отбасы-тұрмыстық қатынастар аясындағы құқыққа қарсы әрекеттер» бойынша -6, ҚР ӘҚБтК-нің 204-бабы бойынша «Белгіленген тыс орындарда сауда жасаудың» -10 дерегі тіркелді. Қазіргі уақытта жеке құрам күшейтілген қызметте тәулік бойы үзіліссіз қызмет атқаруда.
Өз кезегінде, Түркістан облысының полицейлері облыс тұрғындарын қоғамдық қауіпсіздікті сақтап, қылмыссыз қала құруға өз септіктерін тигізуге шақырады. Сонымен қатар жүргізушілер мен жаяу жүргіншілерді жол қозғалысы ережелерін қатаң сақтауын алға тартады. Автокөлікке мас халде отырмаңыз, бұның соңы жазатайым оқиғалар мен өлімге әкеп соғуы мүмкін. Қашықтықты және маневр жасау ережелерін сақтау, жылдамдықты асырмау және қарсы жолаққа шықпаңыздар. Жүргізушілер, үнемі жол қауіпсіздігі ережесін орындаса, тәртіпке бағынса, өз өмірі мен жолаушылардың өмірін сақтайтынын естен шығармағаны жөн.
ТО ПД-ның баспасөз қызметі

свернуть