ලංවෙන්නට නුබ හිත හිත ඉද්දී
මා ලංවී ඉවරයී...
පවසන්නට ඔබ වදන් සොයද්දී
තේරුන් ගෙන ඉවරයි.....
හිත රිදුනද නුබ සොයා බලද්දී
හිත රිදිලා ඉවරයි..
දුරස් වන්න ඔබ මාන බලද්දී
ඈතට ගොස් ඉවරයි....

හිරු නැග එද්දී සඳ බැස යද්දී
යායක මල් පිපුනා...
මල් හිනහෙද්දී සිත පිපිදෙද්දී
නුබ මා ලඟ උන්නා..
හිරු සැගවෙද්දී තරු ඇහැරෙද්දී
හදට සුසුම් නැගුනා...
සිහින බිදෙද්දී කදුලු නැගෙද්දී
ඔබ මා සමු ගත්තා....

ඈතට යද්දී සිත තනිවෙද්දී
දැනුනෙ රිදුම් විතරයි
සිත ගිනි ගද්දී හදම දැවෙද්දී
සිසිල උනේ පවනයි...
කදුලක උනුසුම නුබට දැනෙද්දී
පමාවෙලා ඉවරයි..
යලි නුබ එද්දී ඉවතට යන මා
අන්සතු වී ඉවරයි......

Vocals - Lalitha Jayasinghe
Lyrics - Lakmi Prabha Ratnayake
Melody & Music - Dhammika Edussooriya

свернуть