#demədidemə #sağlamlıq #qadın
Sağlam Qadın kanalı "De Media MMC"-nin nəzdində fəaliyyət göstərir.
Əməkdaşlıq üçün əlaqə: 055-362-49-69

Üzrlü bir səbəb olmadan qüslü gecikdirmək isə günahdır.Qüsulu olmayan şəxs namaz qıla bilməz, məscidə girə bilməz, Quran oxuya bilməz və ona əl vura bilməz. Bəs qüsul hansı hallarda pozulur? Gəlin birlikdə öyrənək
1. Kişidən sperma xaric olarsa.
2. Cinsi əlaqədən sonra. Hətta sperma xaric olmasa belə.
3. Aybaşı olan qadınlarda
4. Zahılıq müddətində
Qadınlar aybaşı və zahılıq günlərində namaz qılmamaqla yanaşı, oruc da tuta bilməzlər. Lakin bu hal bitdikdən sonra namazın deyil, yalnız tutmadıqları oruc günlərinin qəzasını tutmalıdırlar.
Qadınlarla bağlı məsələlər
Aybaşı qanı yetkinlik yaşına çatmış gənc qızlarda baş verən normal fizioloji hadisədir. 9-55 yaş arasındakı qadınlardan hər ayın müəyyən günlərində və müəyyən müddət ərzində gələn qana heyz qanı deyilir. Heyz qanının müddəti ən azı üç gün-üç gecə, ən çox müddəti isə on gün-on gecədir. İki aybaşı arasındakı ən az təmizlik müddəti 15 gündür. Bü adətən 26-28 gündən bir təkrarlanır.
Heyz qanını zahılıq müddəti sayılan 40 gün ərzində gələn qanla qarışdırmaq olmaz. Həmçinin, uşaqlıqda olan xəstəliklər nəticəsində gələn qan da heyz qanı sayılmır.
Aybaşı olan qadınlara bəzi şeylər qadağandır:
1. Namaz qılmaq: Qan göründüyü andan etibarən kəsiləcək anadək namaz qılmaq qadınlara haram sayılır. Bu namazların qəzası qılınmaz.
2. Oruc tutmaq: Heyz olmuş qadın namazda olduğu kimi, oruc da tuta bilməz, amma orucun qəzası tutulmalıdır.
3. Cildi olmayan Qurani Kərimə əl vurmaq və Quran oxumaq da bu dövrdə haram sayılır.
4. Məscidə girə bilmək.
5. Əri ilə cinsi əlaqədə olmaq.
6. Kəbəni ziyarət etmək.
Bütün bunlar (heyz) aybaşı halında olan qadına haram sayılır. Lakin aybaşı olan qadına dua etmək, zikr edib qəbir ziyarətinə çıxmaq haram dey¬il. Lakin Unutma! Aybaşı bitdikdən sonra təxirə salmadan qüsl etmək lazımdır. Səbəbsiz olaraq qüslü təxirə salmaq günahdır.
Doğuşdan sonra qadın rəhmindən gələn qana nifas (zahılıq) qanı deyilir. Zahılıq qanının ən az müddəti yoxdur. Ən çox müddəti 40 gündür. 40 gündən sonra qan gələrsə, bu uşaqlıqdakı xəstəliklərlə bağlı gələn qan sayılır.
Nifas olan muddətdə qadın:
1. Namaz qılmamalı (qəzası da qılınmır)
2. Oruc tutmamalı (qəzası tutulur)
3. Cildi olmayan Qurana əl vurmaq, oxumaq olmaz.
4. Məscidə girməməli.
5. Kəbəni təvaf etməməli.
6. Əri ilə cinsi əlaqədə olmamalıdır.
Bunlar hamısı zahılıq halında olan qadınlara haramdır. Lakin heyz olan qadınlar kimi, nifas halında olan qadın da dua, zikr edib qəbir ziyarətinə çıxa bilər. Nifas qanı kəsildikdən sonra üzürlü bir səbəb olmadan qüslü gecikdirmək olmaz.
Aybaşı və zahılıq qanı xaricində qadının usaqlığından xəstəlik nəticəsində gələn qana istihazə qanı deyilir. Bu qan yalnız dəstəmazı pozar. İstihazə halında olan qadın sadəcə dəstəmazını təmizləməklə kifayətlənər. Namazına da, orucuna da normal şəkildə dav¬am edə bilər.
Qüslün şərtləri
* Qüsl almadan əvvəl ayaqyoluna getməli.
* Üzük, sırğa və bilərzik varsa, çıxarılmalı.
* Qüsl alınacaq yerə girərək beldən aşağı nahiyəni örtməli.
* məhrəm yerləri təmizləməli.
* Qoltuq altında və qasıqda tüklər varsa, təmizləməli.
Bundan sonra qüslə başlamaq lazımdır.

свернуть