#mantralaya #meditationmusic #raghavendraswamy
#raghavendrastotra #ChallakereBrothers #ಚಳ್ಳಕೆರೆಬ್ರದರ್ಸ್
ಅಥ ಶ್ರೀರಾಘವೇಂದ್ರಸ್ತೋತ್ರಮ್
ಓಂ
ಶ್ರೀಪೂರ್ಣಬೋಧ-ಗುರುತೀರ್ಥ-ಪಯೋಬ್ಧಿಪಾರಾ-
ಕಾಮಾರಿಮಾಕ್ಷ-ವಿಷಮಾಕ್ಷ-ಶಿರಃಸ್ಪೃಶಂತಿ |
ಪೂರ್ವೋತ್ತರಾಮಿತ-ತರಂಗ-ಚರತ್ಸುಹಂಸಾ-
ದೇವಾಲಿ-ಸೇವಿತ-ಪರಾಂಘ್ರಿ-ಪಯೋಜಲಗ್ನಾ|1|
ಜೀವೇಶ-ಭೇದ-ಗುಣ-ಪೂರ್ತಿಜಗತ್ಸು-ಸತ್ವ-
ನೀಚೋಚ್ಚ-ಭಾವ-ಮುಖ-ನಕ್ರ-ಗಣೈಃ ಸಮೇತಾ |
ದುರ್ವಾದ್ಯ-ಜಾಪತಿ-ಗಿಲೈರ್ಗುರು-ರಾಘವೇಂದ್ರ-
ವಾಗ್ದೇವತಾ-ಸರಿದಮುಂ ವಿಮಲೀ-ಕರೋತು|2|
ಶ್ರೀರಾಘವೇಂದ್ರಃ ಸಕಲಪ್ರದಾತಾ-
ಸ್ವಪಾದ-ಕಂಜ-ದ್ವಯ-ಭಕ್ತಿ-ಮದ್ಭ್ಯಃ |
ಅಘಾದ್ರಿ-ಸಂಭೇದನ-ದೃಷ್ಟಿ-ವಜ್ರಃ,
ಕ್ಷಮಾ-ಸುರೇಂದ್ರೋಽ-ವತು ಮಾಂ ಸದಾಽಯಮ್|3|
ಶ್ರೀರಾಘವೇಂದ್ರೋ ಹರಿಪಾದಕಂಜ-
ನಿಷೇವಣಾಲ್ಲಬ್ಧ ಸಮಸ್ತಸಂಪತ್ |
ದೇವ-ಸ್ವಭಾವೋ ದಿವಿಜದ್ರು-ಮೋಽಯ-
ಮಿಷ್ಟಪ್ರದೋ ಮೇ ಸತತಂ ಸ ಭೂಯಾತ್|4|
ಭವ್ಯ-ಸ್ವರೂಪೋ ಭವದುಃಖ-ತೂಲ-
ಸಂಘಾಗ್ನಿಚರ್ಯಃ ಸುಖಧೈರ್ಯ-ಶಾಲೀ |
ಸಮಸ್ತ-ದುಷ್ಟ-ಗ್ರಹ-ನಿಗ್ರಹೇಶೋ-
ದುರತ್ಯ-ಯೋಪಪ್ಲವ-ಸಿಂಧು-ಸೇತುಃ|5|
ನಿರಸ್ತ-ದೋಷೋ ನಿರವದ್ಯ-ವೇಷಃ
ಪ್ರತ್ಯರ್ಥಿ-ಮೂಕತ್ವ-ನಿದಾನ-ಭಾಷಃ |
ವಿದ್ವತ್-ಪರಿಜ್ಞೇಯಮಹಾ-ವಿಶೇಷೋ
ವಾಗ್ವೈಖರೀ-ನಿರ್ಜಿತ-ಭವ್ಯಶೇಷಃ|6|
ಸಂತಾನ-ಸಂಪತ್-ಪರಿಶುದ್ಧ-ಭಕ್ತಿ-
ವಿಜ್ಞಾನ-ವಾಗ್ದೇಹ-ಸುಪಾಟ-ವಾದೀನ್ |
ದತ್ವಾ-ಶರೀರೋತ್ಥ-ಸಮಸ್ತ-ದೋಷಾನ್ಹತ್ವಾ
ಸನೋಽವ್ಯಾ-ದ್ಗುರು-ರಾಘವೇಂದ್ರಃ|7|
ಯತ್ಪಾದೋದಕ-ಸಂಚಯಃ-ಸುರನದೀ-ಮುಖ್ಯಾಪಗಾಸಾದಿತಾ-
ಸಂಖ್ಯಾನುತ್ತಮ-ಪುಣ್ಯಸಂಘ-ವಿಲಸತ್-ಪ್ರಖ್ಯಾತ-ಪುಣ್ಯಾವಹಃ |
ದುಸ್ತಾಪತ್ರ-ಯನಾಶನೋ ಭುವಿ ಮಹಾವಂಧ್ಯಾ-ಸುಪುತ್ರ-ಪ್ರದೋ-
ವ್ಯಂಗ-ಸ್ವಂಗ-ಸಮೃದ್ಧಿದೋ-ಗ್ರಹಮಹಾಪಾ-ಪಾಪಹಸ್ತಂ ಶ್ರಯೇ|8|
ಯತ್ಪಾದ-ಕಂಜ-ರಜಸಾ-ಪರಿಭೂಷಿತಾಂಗಾ-
ಯತ್ಪಾದ-ಪದ್ಮ-ಮಧುಪಾಯಿತ ಮಾನಸಾ ಯೇ |
ಯತ್ಪಾದ-ಪದ್ಮ-ಪರಿಕೀರ್ತನ-ಜೀರ್ಣವಾಚ-
ಸ್ತದ್ದರ್ಶನಂ-ದುರಿತ-ಕಾನನ-ದಾವ-ಭೂತಮ್|9|
ಸರ್ವತಂತ್ರ-ಸ್ವತಂತ್ರೋಽಸೌ
ಶ್ರೀಮಧ್ವ-ಮತವರ್ಧನಃ |
ವಿಜಯೀಂದ್ರ-ಕರಾಬ್ಜೋತ್ಥ-
ಸುಧೀಂದ್ರ-ವರಪುತ್ರಕಃ|10|
ಶ್ರೀರಾಘವೇಂದ್ರೋ ಯತಿರಾಟ್
ಗುರುರ್ಮೇ ಸ್ಯಾದ್-ಭಯಾಪಹಃ |
ಜ್ಞಾನಭಕ್ತಿ-ಸುಪುತ್ರಾಯು-
ರ್ಯಶಃಶ್ರೀ-ಪುಣ್ಯವರ್ಧನಃ|11|
ಪ್ರತಿವಾದಿ-ಜಯಸ್ವಾಂತ-
ಭೇದ-ಚಿಹ್ನಾದರೋ ಗುರುಃ |
ಸರ್ವವಿದ್ಯಾ-ಪ್ರವೀಣೋಽನ್ಯೋ
ರಾಘವೇಂದ್ರಾನ್ನ ವಿದ್ಯತೇ|12|
ಅಪರೋಕ್ಷೀ-ಕೃತಶ್ರೀಶಃ
ಸಮುಪೇಕ್ಷಿತ-ಭಾವಜಃ |
ಅಪೇಕ್ಷಿತ-ಪ್ರದಾತಾಽನ್ಯೋ
ರಾಘವೇಂದ್ರಾನ್ನ ವಿದ್ಯತೇ|13|
ದಯಾದಾಕ್ಷಿಣ್ಯ-ವೈರಾಗ್ಯ-
ವಾಕ್-ಪಾಟವ-ಮುಖಾಂಕಿತಃ |
ಶಾಪಾನುಗ್ರಹ-ಶಕ್ತೋಽನ್ಯೋ
ರಾಘವೇಂದ್ರಾನ್ನ ವಿದ್ಯತೇ|14|
ಅಜ್ಞಾನ-ವಿಸ್ಮೃತಿ-ಭ್ರಾಂತಿ-
ಸಂಶಯಾಪಸ್ಮೃತಿ-ಕ್ಷಯಾಃ |
ತಂದ್ರಾ-ಕಂಪವಚಃ-ಕೌಂಠ್ಯಮುಖಾ
ಯೇ ಚೇಂದ್ರಿಯೋದ್ಭವಾಃ||15||
ದೋಷಾಸ್ತೇ ನಾಶಮಾಯಾಂತಿ
ರಾಘವೇಂದ್ರ-ಪ್ರಸಾದತಃ |
(ಓಂ) ಶ್ರೀ ರಾಘವೇಂದ್ರಾಯ ನಮಃ
ಇತ್ಯಷ್ಟಾಕ್ಷರಮಂತ್ರತಃ|16|
ಜಪಿತಾ-ದ್ಭಾವಿತಾನ್ನಿತ್ಯ-ಮಿಷ್ಟಾರ್ಥಾಃ
ಸ್ಯುರ್ನ ಸಂಶಯಃ |
ಹಂತು ನಃ ಕಾಯಜಾನ್ ದೋಷಾ-
ನಾತ್ಮಾತ್ಮೀಯ-ಸಮುದ್ಭವಾನ್|17|
ಸರ್ವಾನಪಿ ಪುಮರ್ಥಾಂಶ್ಚ
ದದಾತು ಗುರುರಾತ್ಮವಿತ್ |
ಇತಿ ಕಾಲತ್ರಯೇ ನಿತ್ಯಂ
ಪ್ರಾರ್ಥನಾಂ ಯಃ ಕರೋತಿ ಸಃ|18|
ಇಹಾಮುತ್ರಾಪ್ತ-ಸರ್ವೇಷ್ಟೋ
ಮೋದತೇ ನಾತ್ರ ಸಂಶಯಃ |
ಅಗಮ್ಯ-ಮಹಿಮಾ ಲೋಕೇ
ರಾಘವೇಂದ್ರೋ ಮಹಾಯಶಾಃ|19|
ಶ್ರೀಮಧ್ವ-ಮತ-ದುಗ್ಧಾಬ್ಧಿ
ಚಂದ್ರೋಽವತು ಸದಾಽನಘಃ |
ಸರ್ವಯಾತ್ರಾ-ಫಲಾವಾಪ್ತ್ಯೈ
ಯಥಾಶಕ್ತಿ-ಪ್ರದಕ್ಷಿಣಮ್|20|
ಕರೋಮಿ ತವ ಸಿದ್ಧಸ್ಯ
ಬೃಂದಾವನಗತಂ ಜಲಮ್ |
ಶಿರಸಾ ಧಾರಯಾಮ್ಯದ್ಯ
ಸರ್ವತೀರ್ಥ-ಫಲಾಪ್ತಯೇ|21|
ಸರ್ವಾಭೀಷ್ಟಾರ್ಥ-ಸಿದ್ಧ್ಯರ್ಥಂ
ನಮಸ್ಕಾರಂ ಕರೋಮ್ಯಹಮ್ |
ತವ ಸಂಕೀರ್ತನಂ
ವೇದ-ಶಾಸ್ತ್ರಾರ್ಥ-ಜ್ಞಾನ-ಸಿದ್ಧಯೇ|22|
ಸಂಸಾರೇಽಕ್ಷಯಸಾಗರೇ
ಪ್ರಕೃತಿತೋಽಗಾಧೇ ಸದಾ ದುಸ್ತರೇ
ಸರ್ವಾವದ್ಯ-ಜಲಗ್ರ-ಹೈರನುಪಮೈಃ
ಕಾಮಾದಿ-ಭಂಗಾಕುಲೇ |
ನಾನಾ-ವಿಭ್ರ-ಮದುರ್ಭ್ರ-ಮೇಽಮಿತ-
ಭಯಸ್ತೋಮಾದಿ-ಫೇನೋತ್ಕಟೇ
ದುಃಖೋತ್ಕೃಷ್ಟ-ವಿಷೇ ಸಮುದ್ಧರ
ಗುರೋ ಮಾ ಮಗ್ನರೂಪಂ ಸದಾ|23|
ರಾಘವೇಂದ್ರ-ಗುರು-ಸ್ತೋತ್ರಂ
ಯಃ ಪಠೇದ್ಭಕ್ತಿ-ಪೂರ್ವಕಮ್ |
ತಸ್ಯ ಕುಷ್ಠಾದಿ-ರೋಗಾಣಾಂ
ನಿವೃತ್ತಿಸ್ತ್ವರಯಾ ಭವೇತ್|24|
ಅಂಧೋಽಪಿ ದಿವ್ಯದೃಷ್ಟಿಃ
ಸ್ಯಾದೇಡ-ಮೂಕೋಽಪಿ ವಾಕ್ಪತಿಃ |
ಪೂರ್ಣಾಯುಃ ಪೂರ್ಣಸಂಪತ್ತಿಃ
ಸ್ತೋತ್ರ-ಸ್ಯಾಸ್ಯ ಜಪಾದ್ಭವೇತ್|25|
ಯಃ ಪಿಬೇಜ್ಜಲ-ಮೇತೇನ
ಸ್ತೋತ್ರೇಣೈ-ವಾಭಿ-ಮಂತ್ರಿತಮ್ |
ತಸ್ಯ ಕುಕ್ಷಿಗತಾ ದೋಷಾಃ
ಸರ್ವೇ ನಶ್ಯಂತಿ ತತ್ಕ್ಷಣಾತ್|26|
ಯದ್ಬೃಂದಾವನಮಾಸಾದ್ಯ
ಪಂಗುಃ ಖಂಜೋಽಪಿ ವಾ ಜನಃ |
ಸ್ತೋತ್ರೇಣಾನೇನ ಯಃ ಕುರ್ಯಾತ್
ಪ್ರದಕ್ಷಿಣ-ನಮಸ್ಕೃತೀ|27|
ಸ ಜಂಘಾಲೋ ಭವೇದೇವ
ಗುರುರಾಜ-ಪ್ರಸಾದತಃ |
ಸೋಮ-ಸೂರ್ಯೋಪರಾಗೇ
ಚ ಪುಷ್ಯಾರ್ಕಾದಿ-ಸಮಾಗಮೇ|28|
ಯೋಽನುತ್ತಮಮಿದಂ
ಸ್ತೋತ್ರ-ಮಷ್ಟೋತ್ತರ-ಶತಂ ಜಪೇತ್ |
ಭೂತ-ಪ್ರೇತ-ಪಿಶಾಚಾದಿ-
ಪೀಡಾ ತಸ್ಯ ನ ಜಾಯತೇ|29|
ಏತತ್ ಸ್ತೋತ್ರಂ ಸಮುಚ್ಚಾರ್ಯ
ಗುರೋ-ರ್ಬೃಂದಾವನಾಂತಿಕೇ |
ದೀಪ-ಸಂಯೋಜನಾತ್ ಜ್ಞಾನಂ
ಪುತ್ರಲಾಭೋ ಭವೇದ್ಧ್ರುವಮ್|30|
ಪರವಾದಿ-ಜಯೋ ದಿವ್ಯ-
ಜ್ಞಾನ-'ಭಕ್ತ್ಯಾದಿ-ವರ್ಧನಮ್ |
ಸರ್ವಾಭೀಷ್ಟ-ಪ್ರವೃದ್ಧಿಃ ಸ್ಯಾನ್ನಾತ್ರ
ಕಾರ್ಯಾ ವಿಚಾರಣಾ|31|
ರಾಜ-ಚೋರ-ಮಹಾವ್ಯಾಘ್ರ-
ಸರ್ಪನಕ್ರಾದಿ-ಪೀಡನಮ್ |
ನ ಜಾಯತೇಽಸ್ಯ ಸ್ತೋತ್ರಸ್ಯ
ಪ್ರಭಾವಾನ್ನಾತ್ರ ಸಂಶಯಃ |32|
ಯೋ ಭಕ್ತ್ಯಾ-ಗುರುರಾಘವೇಂದ್ರ-
ಚರಣದ್ವಂದ್ವಂ ಸ್ಮರನ್ ಯಃ ಪಠೇತ್
ಸ್ತೋತ್ರಂ ದಿವ್ಯಮಿದಂ ಸದಾ ನಹಿ
ಭವೇ-ತ್ತಸ್ಯಾಸುಖಂ ಕಿಂಚನ |
ಕಿಂತ್ವಿಷ್ಟಾರ್ಥ-ಸಮೃದ್ಧಿರೇವ
ಕಮಲಾನಾಥ-ಪ್ರಸಾದೋ-ದಯಾತ್
ಕೀರ್ತಿರ್ದಿಗ್ವಿದಿತಾ ವಿಭೂತಿ-ರತುಲಾ
“ಸಾಕ್ಷೀ ಹಯಾಸ್ಯೋಽತ್ರ ಹಿ”|33|
ಇತಿ ಶ್ರೀರಾಘವೇಂದ್ರಾರ್ಯ-
ಗುರುರಾಜ-ಪ್ರಸಾದತಃ |
ಕೃತಂ ಸ್ತೋತ್ರಮಿದಂ ಪುಣ್ಯಂ
ಶ್ರೀಮದ್ಭಿರ್ಹ್ಯಪ್ಪಣಾಭಿಧೈಃ|34|
ಪೂಜ್ಯಾಯ ರಾಘವೇಂದ್ರಾಯ
ಸತ್ಯಧರ್ಮರತಾಯ ಚ |
ಭಜತಾಂ ಕಲ್ಪವೃಕ್ಷಾಯ
ನಮತಾಂ ಕಾಮಧೇನವೇ|35|
ಆಪಾದಮೌಲಿಪರ್ಯಂತಂ
ಗುರೂಣಾಮಾಽಕೃತಿಂ ಸ್ಮರೇತ್
ತೇನ ವಿಘ್ನಾಃ ಪ್ರಣಶ್ಯಂತಿ
ಸಿದ್ಧ್ಯಂತಿ ಚ ಮನೋರಥಾಃ|36|
ದುರ್ವಾದಿ-ಧ್ವಾಂತ-ರವಯೇ
ವೈಷ್ಣವೇಂದೀವರೇಂದವೇ |
ಶ್ರೀರಾಘವೇಂದ್ರಗುರವೇ
ನಮೋಽತ್ಯಂತ-ದಯಾಲವೇ|37|
ಮೂಕೋಽಪಿ ಯತ್ಪ್ರಸಾದೇನ
ಮುಕುಂದ-ಶಯನಾಯ ತೇ |
ರಾಜರಾಜಾಯತೇ ರಿಕ್ತೋ
ರಾಘವೇಂದ್ರಂ ತಮಾಶ್ರಯೇ|38|
ಗುರುಶ್ರೀರಾಘವೇಂದ್ರಾರ್ಯ
ತ್ವಾಮಹಂ ಶರಣಂಗತಃ |
ಆಯುರಾರೋಗ್ಯಮೈಶ್ವರ್ಯಂ
ದತ್ವಾತ್ವಂ ರಕ್ಷರಕ್ಷಮಾಮ್|39|
ಗುರುಶ್ರೀರಾಘವೇಂದ್ರಾರ್ಯ
ತ್ವಾಮಹಂ ಶರಣಂಗತಃ |
ಜ್ಞಾನಂ ಭಕ್ತಿಂ ಚ ವೈರಾಗ್ಯಂ
ದತ್ವಾತ್ವಂ ರಕ್ಷರಕ್ಷಮಾಮ್|40|
ಇತಿ ಶ್ರೀಮದಪ್ಪಣಾಚಾರ್ಯ ವಿರಚಿತ ಶ್ರೀ ರಾಘವೇಂದ್ರ ಸ್ತೋತ್ರಮ್
ಹರಿಃ ಓಂ
shree poornabodha gurutheertha payobdhipara
sri poorna bodha gurutheertha payobdhipara
#raghavendraswamy #mantralaya #ಮಂತ್ರಾಲಯ #sanskrit #mantra #mantras #meditation #meditationmusic #kannada #devotional #devotionalsongs #god #india #indian #appannacharya #bichale #tungateera #sri #rama #moolarama #digvijayarama #jayarama #madhwacharya #jayathirtharu #vibhudendraru #vijayeendraru #subhudendraru #raghavendratemple #thursday #brindavan #brindavanam
