Vangjel Duke ka marrë pjesë në seancën gjyqësore të Fredi Belerit, e cila ka nisur në orën 12:00.

Sipas një deklarate për median, ai kërkon drejtësi për hetimin ndaj kryebashkiakut të Himarës dhe shprehet se po mbahet padrejtësisht në paraburgim.

Sipas gazetares Anila Hoxha, kjo është seanca paraprake, ku gjyqtarja paraprake do të duhet të vendosë nëse SPAK ka kryer apo jo hetime të thella, që gjyqtari të vendosë nëse çështja do të kalojë apo jo në gjykim themeli.

Pritshmëritë janë që gjyqtarja paraprake të kalojë çështjen në gjykim themeli me dy persona të akuzuar për korrupsion në zgjedhjet lokale të majit, konkretisht me kryetarin e zgjedhur të bashkisë Dionisis Beleri dhe me ndihmësin e tij Pandeli Kokadheshi, ky i fundit me një masë më të lehtë sigurie për shkak të problemeve shëndetësore që ka paraqitur menjëherë pasi u arrestua nga Prokuroria e Vlorës.

Ndërkohë Fredi Beleri ka depozituar në të dyja gjykatat edhe në Shkallën e Parë edhe ne Apelin e Korrupsionit kërkesën për të marrë zbutje të masës nga arrest me burg, në një masë më të butë, ku sipas tij ai duhet të shkojë në detyrë për të drejtuar Bashkinë e Himarës.

Pasi gjyqtarja paraprake të shpallë vendimin e saj do të ketë një datë për gjykimin në themel.

Fredi Beleri u arrestua në flagrancë dy ditë para zgjedhjeve lokale dhe vijon të mbahet në burg edhe pasi doli fitues në garën e 14 majit, nën akuzën për korrupsion në zgjedhje. Në pamundësi për të bërë betimin si kryebashkiak, Beleri akuzoi kryeministrin Rama si personin përgjegjës që pengon dhënien e lejes së veçantë që ai të kryej betimin. Sipas Belerit, nuk ka asnjë vendim gjyqësor që të ketë rrëzuar kërkesën e tij, pasi kjo do të përkthehej në kufizim të rëndë të të drejtave kushtetuese.

Kryeministri Rama vazhdimisht është shprehur se çështja Beleri i takon vetëm drejtësisë. Gjatë Asamblesë Kombëtare të PS-së, ai tha se nuk ka asgjë për të diskutuar me palën greke në lidhje me këtë çështje sepse pala greke nuk dëgjon asnjë koment por vetëm këmbëngul duke rënë ndesh me ligjet tona.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: [ Ссылка ]

Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopChannelNews

свернуть