[ Ссылка ]
[ Ссылка ]
[ Ссылка ]
Sipërfaqja e Liqenit të Kukësit thuajse është pastruar krejtësisht nga mbetjet, që vinin kryesisht nga Kosova dhe Maqedonia, ndërkohë që sot aksioni për pastrimin e ujit vazhdon, por me pak mjete dhe njerëz. Në terren po ndahen mbeturinat e pariciklueshme dhe ato të riciklueshme, ndërkohë që për këto të fundit kanë shprehur interes t'i tërheqin dy firma private, që operojnë në Vlorë dhe Tiranë.Ndërsa mbeturinat e pariciklueshme do të asgjësohen në fushën e mbetjeve urbane të qytetit. Për pastrimin e liqenit u përfshinë një numër i madh personash, shumica nxënës shkollash, ushtarë dhe punonjës të administratës lokale, ndërkohë që sipas prefekturës sasia e mbetjeve të larguara nga liqeni është rreth 25 ton. Ndërkohë, javën e ardhshme autoritetet e ministrisë së Mjedisit të Shqipërisë dhe Kosovës pritet të takohen në Prizren për të gjetur një zgjidhje përfundimtare për këtë situatë që përsëritet çdo vit.
![](https://i.ytimg.com/vi/0y_YU4IpWik/mqdefault.jpg)