Ақмолада екі полицей қаза тапқан жол көлік оқиғасына қатысты сот үкімі шықты. Істі бір айдан астам уақыт қараған Бурабай аудандық соты 25 жастағы Сергей Воронцовты кінәлі деп таныды. Ол 15 жылға сотталды. Дегенмен айыпталушы өз кінәсін мойындаған жоқ. Алайда, тергеу және сот барысында Сергей Воронцовтың көлікті мас күйінде жүргізгені, оның жол көлік оқиғасына айыпты екені толық дәлелденді.
Қайғылы оқиға өткен жылдың 15 қазанында болған. Лексус маркалы көлікті мас күйінде басқарған жүргізуші жоғары жылдамдықпен келіп, полицияның қызметтік көлігін соғады. Машинада болған екі учаскелік инспектор сол жерде көз жұмған. Сот шешіміне сәйкес айыпталушы 15 жылға сотталып, көз жұмған азаматтардың отбасыларына 10 миллион теңгеден моральдық шығын төлеуге міндеттелді. Қос тарап та сот шешімімен келіспей тарасты.
ИННА ВОРОНЦОВА, айыпталушы Сергей Воронцовтың анасы:
– Мен сот шешімімен мүлдем келіспеймін. Жол көлік оқиғасы кезінде ұлым рульде отырған жоқ. Оның орнында Оспанов болған. Мұны екі бірдей сараптама дәлелдейді.
ҒАЛИЯ ОТАРБАЕВА, марқұм Қанат Отарбаевтың әйелі:
– Қанша жыл берсе де ол аз. Себебі ол біздің балаларымызды әкесінен айырды. Біз 20 жыл сұраған едік.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#полицейлер_қазасы #сот_үкімі
![](https://i.ytimg.com/vi/11RFAD9fVi0/maxresdefault.jpg)