СТА М.Бямбажавын хөгжим Б.Дэлгэрдалайн шүлэг
Ерөөл далласан аялгуу
Борог өвстөй талд минь бороо хурдан шивэрээсэй
Бодолд гэгээхэн хайр минь хур шиг үгсийг шивнээсэй
Салхинд ганхах өвс нь намрын сардаа ч намираасай
Санаанд дотно хайр чинь насны уртад ч ханьсаасай
Араадаа нүүсэн үүл нь асгараад буцаад ирээсэй
Амлаад хэлсэн үгэндээ алс байсан ч хүрээсэй
Хойшоо нүүсэн үүл нь хуралдаад буцаад ирээсэй
Хайрлаж хэлсэн үгээ холын холдоо ч санаасай
Хаврыг хүлээсэн хангайд минь хайлган яргуй ургаасай
Хайрыг булаасан чи минь наддаа эрхлэн жаргаасай
Сайрын захаа давж сайхан ус минь урсаасай
Цайлган хайрын үгсээ санан санан дурсаасай
Араадаа нүүсэн үүл нь асгараад буцаад ирээсэй
Амлаад хэлсэн үгэндээ алс байсан ч хүрээсэй
Хойшоо нүүсэн үүл нь хуралдаад буцаад ирээсэй
Хайрлаж хэлсэн үгээ холын холдоо ч санаасай
Наашаа нүүсэн үүл нь намираа хуртай өнгөрөөсөй
Нададаа хайртай чи минь сэтгэлд үргэлж мөнхрөөрөй
Цайрах хур шимээрээ царамын цэцгүүдээ өнгөлөөсөй
Цагийн урсгалд хайр минь цагаан уул шиг мөнхөрөөсөй
