Син минем җанымның яртысы
О. Усманов көе, Р. Аймәт сүзләре
Син — минем җанымның яртысы,
Яшисең йөрәгем түрендә.
Нур сибеп барасы юлыма,
Балкыйсың күңелем күгендә.
Кушымта:
Мин сине гомерем буена,
Ышыклап барырмын җилләрдән.
Өзелсә барасы юлларың,
Үрермен мин күпер гөлләрдән.
Без икәү — аерылмас пар канат,
Беркем дә кералмас арага.
Хәсрәтне бүләрбез икегә,
Чит-ятлар тоз салса ярага.
Дөнья бу… Бармый ул гел тигез,
Шатлык бар тормышта кайгы бар.
Ал кояш булып мин балкырмын,
Күгеңне капласа болытлар.
#мин синен гомерем буена #Айдар Галимов #Зилия Бахтиева #татарскаяпесня #башкирскиепесни #Ziliya Bahtieva
