Numri i automjeteve që qarkullojnë në rrugët e Shqipërisë është dyfishuar në 10-vjeçarin e fundit. Të dhënat nga Drejtoria e Përgjithshme e Transportit Rrugor tregojnë për më shumë se 710 mijë mjete në vitin 2022 nga 390 mijë të tilla që raportoheshin një dekadë më parë.
Megjithatë, në konsumin vjetor të naftës rritja e numrit të automjeteve nuk është reflektuar. Të dhënat zyrtare tregojnë se, konsumi mesatar vjetor i karburanteve shkon në rreth 460 mijë tonë në dekadën e fundit.
Më konkretisht, në 2011 Shqipëria ka importuar 457 mijë tonë karburante, ndërsa në 2021 shifra ishte rreth 500 mijë tonë. Të dhënat e plota të vitit 2022 nuk kanë dalë ende, por shifrat e publikuara deri në qershor, tregojnë një rënie të importit me gati 20 për qind në krahasim me 2021.
Viti me importin më të ulët të naftës është 2017-ta me 400 mijë ton.
Rënia e importeve përgjatë vitit 2022 mund të justifikohet me rënien e konsumit për shkak të rritjes së fortë të çmimit të karburanteve. Por, për periudhën tjetër, qëndrimi thuajse pa lëvizur e sasisë së karburantit të importuar është një anomali, që nuk haset te vendet fqinje.
Në Kosovë dhe Maqedoninë e Veriut, sasia e naftës së importuar është rritur me gati 40 për qind në krahasim me vitin 2011. Mospërputhja e shifrave të rritjes së naftës së importuar mes Shqipërisë dhe vendeve të rajonit ka nxitur dyshimet se një pjesë e naftës që konsumohet në vend hyn kontrabandë duke shmangur taksimin.
Në 5 muajt e fundit, sasia e naftës kontrabandë e kapur nga policia është gati 2300 tonë, ose rreth 2.2 milionë euro taksa të shmangura nëse ajo do të hidhej në treg.
Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopNews#Kontrabanda#Nafta
![](https://s2.save4k.ru/pic/1Iwdi7BpwIc/maxresdefault.jpg)