Әр алуан тағдырлар бар. Бiр күннiң өзiнде талай адаммен сапарлас, кейбiрiмен дәмдес болып, тiлдесiп те қалатын кездерiм көп. Бiр-бiрiне мүлде кереғар өмiр сүрiп жатқан замандастарымды тану, бiле түсу қызық. Кейде ой салады, мұңға батасың, таң қаласың. Әйтеуiр, бей-жай қала алмайсың.
Қызыл күрткесi бар, қызыл көлiктi келiншекпен кездейсоқ таныстым. Күзде. Бәлкiм, мен үшiн кездейсоқ болып көрiнгенiмен, Жаратқан жолықтырып, тiлдестiрiп тұрған болар. Өмiрде кездейсоқтық деген болмайды деп жатады ғой бiлгiштер. Сол күнi бiрге оқыған кластас құрбым үйiне қонаққа шақырған едi. Қалаға жету үшiн жол жиегiнде қол көтерiп тұрдым. Ол «отырыңыз» дедi. Жеткенше жолаушылардың бiрi мiнiп, бiрi түсiп жатты. Рульдегi жас келiншектiң есiмiн сұрамадым. Ойыма да келмептi. Бiрақ таксист екенiн бiлдiм. Жанында 3 жас шамасындағы қыз ойнап отыр. Қара торы, арықша келген оның мiнезi ашық-жарқын болып шықты. «Екi аралықта таксист болып, күнделiктi адам тасисыз ба?» дегенiме еш тыржиған жоқ. Әйтпесе, «не шаруаң бар сенiң?» дегендi қабағымен ұқтыратындар да бар емес пе? «Екi балам бар, үлкенiм мектепте оқиды. Кiшкентайым осы» деп, жанындағы қызын көрсетiп қойды. «Таңғы сегiзден көлiгiме отырамын, содан кешкi алтыға дейiн түспеймiн. Таңертең ұлымды мектепке апарып тастап, сабақтан шыққанша қала мен ауыл арасында бiрнеше рет қатынап үлгеремiн. Баламды алып, үйге апарып, тамағын жылытып берiп, қайта таксовать етуге шығамын. Қызымды түске дейiн ғана алып жүремiн, қарайтын адам жоқ. Түстен кейiн ұлым қарайды қарындасын. Сосын көлiк кептелiсi басталғанша кешке дейiн алаңсыз адам тасимын» дейдi. Дiттеген жерiме жеткенше, көкейде «күйеуi бар ма екен? Қандай адам? Мүмкiн ажырасқан болар?» деген сауалдар қабат-қабат келiп тұрды. Такси пұлды төлеп, таксист келiншек екеумiз жылы қоштастық.
Құрбымның үйiне барып, қонақ болып қайттым. Қызының туған күнiн сылтау қылып, бас қостық. Әдетiмше, кешкiсiн ойланып жатырмын. Күнi бойғы көргендерiм көз алдымнан тiзбектелiп өтедi. Зарина құрбымды бұрынғыдай емес, тұрмысқа шыққалы сирек көремiн. Бiрақ байланысымыз үзiлген емес.

[ Ссылка ]

[ Ссылка ]

[ Ссылка ]

#болғаноқиға #әсерліәңгіме #әңгіме #өмірлікхикаялар #қызықтыәңгіме #тағдыр #өміржолы #өміриірімі #аудиокітап #аудиокітаптар

свернуть