Ամենավառ, ամենագունեղ, ամենաերաժշտական և իհարկե ամենաերիտասարդական միջազգային երաժշտական փառատոնը արդեն 5-րդ անգամ տրամադրում է հարթակ սկսնակ և ոչ սկսնակ երաժիշտներին` միմյանց հետ շփվելու երաժշտության լեզվով։ Երաժշտական այս երկու օրերը պատճառ և լավ առիթ են տարվա մեջ ևս մեկ անգամ լցվելու անսահման էներգիայով, պոզիտիվով և ինչու ոչ տանը թողնել առօրյա հոգսերը և մեզ հետ միասին լցվել երաժշտությամբ։
Երաժշտությունը միջոց է հաստատելու կապեր և ջերմ հարաբերություններ միմյանց հետ, և մենք իհարկե օգտվում ենք այդ հրաշալի առիթից, բայց, ոչ միայն երաժշտությամբ ենք հաստատելու ընկերական հաղորդակցություն այլ նաև, փորձելու ենք շփվել նաև նկարչության, լուսանկարչության, քանդակագործության լեզվով և վստահ ենք, որ փոխանցելու ենք խելահեղ տրամադրություն։
Փառատոնն ամեն տարի տեղի է ունենում օգոստոս ամսին:
