No programa de hoxe estaremos na praia de Panxón, no concello pontevedrés de Nigrán. Descubriremos unha praia moi turística e familiar, na que podemos gozar de deliciosos paseos no seu quilómetro de lonxitude, coñeceremos a unha familia que practica o fútbol americano e seremos conscientes de que nos areais galegos temos que ter coidado coas fanecas.
Visitaremos a praia de Menduíña, na ría de Aldán. Nela podemos gozar da natureza, sentirnos illados do mundanal ruído, pasar o día practicando todo tipo de deportes pero podendo tamén comer ou refrescarnos cun refrixerio nos establecementos próximos ao areal.
Tamén estaremos nun dos concellos máis turísticos das rías baixas, en Sanxenxo. Aquí poderemos tomar o sol, descansar, pescar, remar e todas as actividades que se nos ocorran na praia de Baltar. Esta é unha praia urbana con moitos servizos hostaleiros nas súas inmediacións, así coma un cámping que fai deste areal unha verdadeira “pasarela” de mocidade que busca a festa e o relax que ofrece este fermoso lugar.
Xa na provincia de A Coruña descubrimos a praia de Cabeiro, un areal de entorno virxe e que toma o seu nome do saínte rochoso de Punta Cabeiro onde se localiza o faro Cabeiro.
A pesares de que a temperatura da auga non é moi alta veremos como hai moitas persoas intrépidas que non teñen medo a nada!
E de volta ao sur visitamos a praia da Xunqueira, en Moaña. Para moitos este é a mellor praia do municipio polo seu fácil aceso, o paseo marítimo, a tranquilidade das súas augas e a súa fina area. Amais conta nas súas proximidades cunha preciosa zona verde na que botar unha sesta ou comer en familia no noso momento “tuper”.
![](https://s2.save4k.ru/pic/1sqeQqmU47g/maxresdefault.jpg)