Оңтүстік Кореяға екі қазақстандық заңсыз кіріп, ұсталғаннан кейін сол елде жүрген отандастарымыздан маза кеткен. Жат елде заңсыз жүргендер ертең бізге де жаза қатаңдай ма деп алаңдаулы. Туристпін деп барып, сол жақта жұмыс істеуге қалып қойып жатқан жастардың күні енді не болады? Ақша табамын деп жүріп бостандығынан айырылып қалмасына кім кепіл? Ал Корея Республикасының Қазақстан азаматтарына жұмыс визасын ашу мәселесі қашан көтеріледі? Әріптесім Аягөз Тұрсынбай тараптардан сұрастырған еді.
Алматыдан Оңтүстік Кореяға кеткен көптің бірі - 25 жастағы Нұрсерік Жекей. Үш жыл бұрын шекара асқан азамат әуелі кәріс жерінде қара жұмыс істеп нәпақасын тапқан. Қазір өзі секілді жастармен бірігіп «Кореядағы қазақ қауымдастығын» құрып, отандастарына ақпараттық қолдау көрсетіп жүр. Жат елде отбасын құрып, жақында нәрестелі де болған екен. Өкініштісі сол, туған жеріне барып сағынышын баса алмайды. Өйткені Кореяда заңсыз жүрген отандастырымыздың бірі
НҰРСЕРІК ЖЕКЕЙ, «Кореядағы қазақ қауымдастығы» ұйымының өкілі:
– Бұл жақта миллион деген жалақыны естігеннен кейін жерлестеріміз бұл жаққа қалай да болсын заңсыз өтіп алуды ойлайды. Осындай нәрсе болмас үшін, мысалға біздің келгенімізге жақында 4 жыл болады. 4 жыл жақындарымызды көрмей, шетел асып еңбек етіп жүрміз. Үйімізге қайтқымыз келеді, бірақ амал жоқ шыға алмаймыз, өйткені бізге депорт қойып береді. Бұл жақта заңсыз жүргеніміз үшін.
Нұрсерік секілді қазір Кореяға арман қуып барған 8 мың адам жат елде заң бұзып қалып қойған. Басым бөлігі ауыл шаруашылығы, құрылыс және өндіріс саласында қара жұмыста істейді. Олардың ешқайсысы қызметке ресми орналаса алмайды, қолма-қол ақшаға жалданып айына орташа есеппен 700-800 мың теңге табады-дейді азамат. Қазақстанда қолы жетпеген жалақыны іздеп барғандар Кореяға жету үшін несие де рәсімдейтін көрінеді. Кедендік бақылаудан өтпей қалып, түрлі әрекеттерге баратыны да содан дейді қауымдастық мүшесі.
НҰРСЕРІК ЖЕКЕЙ, «Кореядағы қазақ қауымдастығы» ұйымының өкілі:
– Екі ел арасында бір жұмыс визасы, 6 ай сайын созып беретін бір виза беру жағын қарастырса біздің билік өкілдері. Сонда біздің қазақтар бұлай бір елдің шекарасынан заңсыз өтіп, заң бұзбайтын еді. Осы жақта жүріп те біздің талай отандастарымыз өмірден өткен болатын. Олардың денелерін Қазақстанға жіберу де үлкен ақша тұрады.
Қазақ жастарына арман болған жұмыс визасы көршілес Өзбекстан мен Қырғызстанда бұрыннан бар. Бауырлас елдің азаматтары жыл сайын барып - келіп жұмыс істеуді әдетке айналдырған. Ал Қазақстан 30 жылда әлі бұндай келісімге қол жеткізе алмай келеді. Енді депутаттар Үкіметке жат елде жүрген қазақ жастарын заң жүзінде қорғасын деген талаппен Үкіметке сауал жолдамақ.
ЕРЛАН САИРОВ, ҚР Парламенті мәжілісінің депутаты:
– Менің ойымша Үкімет осы мәселемен нақты айналысуы керек. Өйткені ол жақта біздің өз азаматтарымыз жұмыс істеп, өмір сүріп жатыр. Үкіметтер өзара келісу керек. Айналысу керек.
АЯГӨЗ ТҰРСЫНБАЙ, тілші:
– Естеріңізге салсақ, осыдан он күн бұрын Оңтүстік Кореяның Инчхон қаласында кедендік тексерістен өтпеген екі қазақстандық азамат депортация рейсін күтпей, әуежайдан қашып кеткен. Елге заңсыз кірмек болған 21 мен және 18 жастағы екі жігіт қазір қамауда, олардың тағдырын енді Корея соты шешеді. Жергілікті басылымдар шекараға заңсыз кірген отандастарымыз 15 жылға дейін бас бостандығынан айырылуы мүмкін екенін жазған.








Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#News #Kazakhstan #Жаңалықтар #Біздіңжаңалықтар #Нашиновости #Сегодня #Қазақстан #31канал

свернуть