Dy persona të cilët ishin shpallur në kërkim nga drejtësia shqiptare, u ekstraduan drejt vendit tonë. Ata u ndaluan pak kohë më parë nga Gjermani dhe Britania e Madhe, me qëllim ekstradimin drejt Shqipërisë.
Pas përfundimit të procedurave ligjore në gjermani, në Rinas mbërriti një 34-vjeçar i dënuar nga Gjykata e Durrësit. Abedin Baçja nga Fieri rezulton i dënuar për rrëmbim me 5 vite burg. Në vitin 2013, 34-vjeçari dhe dy persona të tjerë, kanë marrë me forcë në automjet një qytetar.
Më pas ata kanë telefonuar babanë e tij të cilin e kanë kanosur për jetën e djalit, nëse nuk i jepte shumën prej 7500 eurosh. Ndërsa nga Britania e Madhe, u ekstradua një 43-vjeçar i shpallur në kërkim për dhunë, pasi goditi me sende të forta kunatin e tij. Policia e Shtetit njofton se në kuadër të bashkëpunimit me autoritet e huaj, është ndaluar një 34-vjeçar me qëllim ekstradimin në vendin tonë. Lutfi Xeka u arrestua në Spanjë, pasi është i dënuar me 4 vite burg, si bashkautor i tre rasteve të kultivimit të bimëve narkotike, përgjatë vitit 2019.
Ekstradimet e kryera nga Policia Shqiptare u përshëndetën nga ministri i Brendshëm Taulant Balla. Nëpërmjet një reagimi në rrjetet sociale, ministri njofton se në datat 11 deri në 13 qershor, Shqipëria do të organizojë konferëncën Rajonale Europiane të Interpol. Në Tiranë pritet të mbërrijnë drejtuesit më të lartë të policisë nga e gjithë Europa dhe vende të tjera për të diskutuar forcimin e bashkëpunimit.
SUBSCRIBE to "RTV KLAN" on YouTube for more videos!
Për më shumë informacione vizitoni faqen tonë web [ Ссылка ]
Follow Klan News on Facebook: [ Ссылка ]
Follow @klannews on Instagram: [ Ссылка ]
#KlanNews #KlanNewsLajme #TvKlan
