#ԷրեբունիԲԿ #ինֆարկտ
Սրտամկանի սուր ինֆարկտ. որոնք են ախտանշանները և ինչպես է բուժվում այն: Թեման պարզաբանում է «Էրեբունի» ԲԿ ներանոթային սրտաբան Արսեն Ծատուրյանը:

Սրտամկանի սուր ինֆարտկը սուր վիճակ է, որը բնութագրվում է սրտամկանի ինչ-որ հատվածի մեռուկացումով կամ նեկրոզով: Պատճառը սիրտը սնուցող զարկերակներից որևէ մեկի սուր խցանումն է: Ինֆարկտն ունի հստակ ախտանշաններ՝ կրծքավանդակում կտրուկ առաջացած սեղմող-ճնշող բնույթի ցավ, որը տեղակայված է կրծոսկրային շրջանում և տարածվում է դեպի աջ և ձախ կեսերը, կարող է ճառագայթվել դեպի կոկորդ, ատամնաշար, ստորին ծնոտ, ուսագոտիներ, նախաբազուկներ, ուղեկցվել սառը քրտնարտադրությամբ և մահվան վախով:

Սրտամկանի սուր ինֆարկտին նախորդում են նախաինֆարկտային նոպաները, որոնք կարող են տևել մի քանի օր կամ մի քանի ամիս: Այդ նոպաները ևս ուղեկցվում են նույն ախտանշաններով, սակայն ավելի մեղմ: Նման գանգատների ի հայտ գալուն պես անհրաժեշտ է դիմել բժշկի:

------------------------------------------------------------------------------------------------
🏥Հետեւեք մեզ նաև
✔️Facebook [ Ссылка ]
✔️Instagram [ Ссылка ]
✔️Website [ Ссылка ]
✔️Telegram [ Ссылка ]
🏥Բաժանորդագրվեք մեր ալիքին [ Ссылка ]
🏥Երևան, Տիտոգրադյան 14
🏥010471100
🏥hospital@erebouni.am
#էրեբունի_բժշկական_կենտրոն

свернуть