Os espectadores da Televisión de Galicia poderán coñecer as experiencias nesta zona de xente como Nacho Fernández, un rapaz que estudou Ciencias do Mar en Vigo e que, tras facer o doutoramento en varios países, rematou por traballar no Algarve. Ademais, un ourensán que leva 20 anos en Portugal, Manuel Ruiz, levará o equipo do programa por Tavira, Olhao e Faro, a capital. Con Fran Ruibal, da Coruña, os espectadores poderán visitar Vilamoura, a vila preferida pola "jet set" portuguesa.

Pola súa parte, Rebeca Cal, de Pontevedra, que leva sete anos no Algarve como executiva de vendas, levará os espectadores a dar un paseo en barco, unha das actividades máis demandadas; mentres que José Torres, de Vilanova de Arousa, exerce a súa profesión de cociñeiro nun hotel de cinco estrelas na praia de Falesia, unha das máis longas do Algarve.

Por último, "Galegos no Mundo" coñecerá a María Búa, de Vilagarcía, que traballa nos invernos nos Alpes, pero no verán busca un lugar cálido, o que a levou a Portugal a traballar como recepcionista dun hotel. Con ela, o equipo do programa visitará a festa nocturna do Algarve.

свернуть