Cириядағы химиялық қарудың төртінші партиясы елдің Латакия портында кемеге тиеліп, теңізге шығарылды. Бұл туралы Химиялық қаруға тыйым салу ұйымы хабарлады. Химиялық қару әдеттегідей даниялық және норвегиялық кемелерге тиелген. Ал оның қауіпсіздігін Ресей, Қытай, Норвегия, Сирияның әскери кемелері қамтамасыз етіп отыр. Енді жаппай қырып-жою қаруы тиелген кеме Италияның Джоя-Тауро портына жеткізіледі. Артынша ол АҚШ-тың "Кэйп Рей" әскери кемесінің бортына салынып, ашық теңізде арнайы қондырғының көмегімен жойылатын болады. Бастапқыда араб елінен химиялық қарудың толық әкетілуі осы жылдың 5-ші ақпанына жоспарланды. Бірақ кейіннен бұл мерзім мамыр айының соңына шегерілді.
