ATİB İdarə Heyətinin Sədri və Anadolu Universiteti Azərbaycan Proqramları Koordinatoru Moldovada işgüzar səfərdədirlər.
Fevral ayının 6-dan başlayaraq, ATİB İdarə Heyətinin Sədri Cemal Yangın və Anadolu Universiteti Azərbaycan Proqramlarının Koordinatoru Azər Hətəmov Moldovada işgüzar səfərdədirlər. Azərbaycan nümayəndə heyətinin tərkibində həmçinin, ATİB İdarə Heyətinin sədr müavini, “Ziraat Bank Azərbaycan” ASC-nin İdarə Heyətinin sədri Avni Demirçi, ATİB İdarə Heyətinin üzvləri, “RR Group of Companies” MMC-nin rəhbəri Rafiq Qarayev, “İstanbul Reklam Market” MMC-nin rəhbəri Kaya Karslı və ATİB İdarə Heyətinin baş katibi Pərvanə Hacıyeva ATİB-ni təmsil etmişlər. Moldovada keçirilən görüşlər, Türkiyənin Moldovadakı fövqəladə və səlahiyyətli Səfiri Hulusi Kılıçın və Azərbaycanın Moldovadakı fövqəladə və səlahiyyətli Səfiri Qüdsi Osmanovun dəstəyi və təşkilatçılığı ilə həyata keçirilmişdir.
Səfərin ilk günü Azərbaycandan gələn heyət Kişinyovda, Moldova İşadamları Birliyinin və Moldova İnvestiya və İxracatın İnkişafı Təşkilatının nümayəndələri ilə görüşə qatılmışdılar. Üç ölkənin işadamları əlaqələrin genişləndirilməsi, sərmaye imkanları, və s. mövzuları müzakirə etmişlər. Bu görüşdə həmçinin, Türkiyənin Moldovadakı fövqəladə və səlahiyyətli Səfiri Hulusi Kılıç da iştirak etmişdir.
Görüşdən sonra, Türkiyənin Moldovadakı səfiriliyində Səfir Hulusi Kılıç tərəfindən Azərbaycan nümayəndə heyətinin şərəfinə nahar yeməyi ziyafəti təşkil etmişdir. Ziyafətdə Azərbaycanın Moldovadakı fövqəladə və səlahiyyətli Səfiri Qüdsi Osmanov da iştirak etmişdir.
Həmin gün Azərbaycan nümayəndə heyətini Azərbaycanın Moldovadakı fövqəladə və səlahiyyətli Səfiri Qüdsi Osmanov qəbul etmiş, görüşdə Səfir Moldovodakı Azərbaycan Səfirliyinin dəstəyi ilə həyata keçirilən tədbirlər haqqında məlumat vermiş və Azərbaycan heyətinin şərəfinə şam yeməyi ziyafəti təşkil etmişdir.
İşgüzar səfərin növbəti günü, qonaqlar Moldova Respublikası Ticarət və Sənaye Palatasının sədr və müavinləri ilə görüşmüşlər. Görüş zamanı Azərbaycan, Türkiyə və Moldova arasındakı iqtisadi əlaqələrin daha da genişləndirilməsi, Türkiyə və Azərbaycan İşadamlarının Moldovaya sərmaye imkanları haqqında və s. mövzular müzakirə edilmişdir.
Həmin gün Azərbaycan nümayəndə heyəti Moldova Azərbaycanlıları Konqresində olmuşlar. Qonaqlarla Moldova Azərbaycanlıları Konqresinin sədri, hüquq elmləri doktoru Vüqar Novruzov və Moldova Azərbaycanlıları Konqresi İdarə Heyətinin üzvləri görüşərək, Moldovada Azərbaycan Diasporunun gördüyü işlər, həmçinin Moldavanın hazırki iqtisadi durumu haqqında məlumat alaraq müzakirələr aparmışlar. Günün ikinci yarısı Türkiyənin Moldovadakı səfirliyində, Səfir Hulusi Kılıçın təşkilatçılığı ilə Moldovadakı Azərbaycan və Türkiyə İşadamaları ilə Azərbaycan nümayəndə heyətinin görüşü təşkil olunmuşdur, görüş zamanı geniş müzakirələr aparılmışdır. İşgüzar səfərin ikinci günü, Moldova Azərbaycanlıları Konqresinin Sədri Vüqar Novruzov, Azərbaycan nümayəndə heyətinin şərəfinə ziyafət təşkil etmişdir.
İşgüzar səfər hal-hazırda davam edir, Azərbaycan nümayəndə heyətinin Moldovanın Qaqauza Muxtar bölgəsində səfərləri gözlənilir, Qaqauziyanın başçısı İrina Vlax`la, həmçinin Anadolu Universiteti Azərbaycan Proqramları Koordinatorunun Komrat Dövlət Universiteti və Qaqauziya Muxtar bölgəsinin Təhsil başçısı Sofiya Torlak`la və Qaqauziyanın Təhsil müəssisələrində görüşləri nəzərdə tutulur.
Türkiyə, Azərbaycan və Moldova işadamlarını Kişinyovda bir araya gələrək bu, üç ölkənin tarixində bir ilkə imza atdılar.
Mənbə (source):
[ Ссылка ]
CBC.AZ:
[ Ссылка ]
Ещё видео!