Таразда ауласынан шошқа фермасын ашқан кәсіпкер айналасындағылардың ашуын тудырды. Нәжіс исінен жүріп-тұрудан қалдық деген жұрт кімнен араша сұрарын білмей дал. Өйткені жауапты мамандар қолданыстағы заң бойынша аулаңды жануарлар саябағына айналдырсаң да қолайсыздық үшін жаза жоқ екенін айтады.
Ақжол саяжайында жағымсыз иіс жайлағалы бес жыл. Мұндағылардың арызданғанына да дәл солай. Алайда ауласын шошқаға толтырған кәсіпкер торайларын көбейтпесе азайтар түрі жоқ. Көшіп құтылайын десе сасыған аймаққа ешкім аяқ баспайды дейді.
АҚЫЛБЕК КІШКЕЕВ, Тараз қаласының тұрғыны:
– Бес жыл болды үйді сатамын дегеніме. Келген адам дереу қашып кетеді. Иістен. Ары кетсе 5-6 метр қазылған суымыз. Менімен бақшалас мұның септігі тұр.
Жыл он екі ай көрген күніміз осы деген ел жағымсыз иістен жыларман күйде. Қалада тұрып су жүйесінің, жібі түзу жолдың, қоғамдық көліктің жоқтығына көндіксе де бір жұтым таза ауаға зар қылған көршісінің қорлығына шыдау қиын дейді.
АЙГҮЛ БЕШТАЕВА, Тараз қаласының тұрғыны:
– Міні жан-жағындағы кісілер ауру. Уже бірінші группаға шықты. Үштен бастаған. Жазды күнгі терезені ашып отыра алмасаң жер үйде неменеге тұрып жатырмыз?
Ал ауласынан шошқа ферма ашқан кәсіпкер бұл иістен жұпар жұтқандай. Бәрін заңды істеп отырғанын айтқан ол қоңсыластарына келтірген қолайсыздығы үшін еш қымсынбайды.
ИЛФАТ САФИН, кәсіпкер:
– Мен таза еңбек етіп отырмын. Ешкімге соқтықпай өмір сүріп отырған адаммын. Ал көршілердің көзқарасы маған деген жеке өкпесі шығар деп ойлаймын.
Ал жауаптылар жұрттан бетер жыларман. Мұндай мысалды шаһарда мыңдап келтірсе болады дейді. Бірақ заңнан аттап әрекет ете алмайтынын ашық айтты.
ЕРҒАЗЫ БЕРДІБЕКОВ, ҚР АШМ Ветеринариялық бақылау және қадағалау комитетінің Тараз қалалық аумақтық инспекциясының бас маманы:
– Көп қалада мұндай шағымдар түсіп жатыр. Действительно ана жерге барсаңыз иіс деген жаман сасып жатыр. Желательно осы заңға енгізіп берсе. Мүлдем мал ұстамасын. Болмаса 5-6 бас қалалық жерлерде десе. Бекітіп берсе жұмыс істейміз.
Бұрын үй жануарларын ұстау үшін белгілі бір норма болса, бүгінде бұл қысқартылып кеткен. Яғни алақандай аулаңды жануарлар саябағына айналдырсаң да ешкімнің әй деуіне әлі жоқ. Ал азабын тартқан ел жоғарыдағылардың бұл ісін шолақ ойлаудың жемісі дейді. Қолайсыздықтан шаршаған жұрт шорт кескен сол заңды қайта қарауды сұрайды.
Бізді әлеуметтік желіде оқыңыздар:
Youtube -[ Ссылка ]
Facebook - [ Ссылка ]
Instagram - [ Ссылка ]
Vkontakte - [ Ссылка ]
TikTok - www.tiktok.com/@informburo31
WhatsApp Информбюро +7 777 331 31 31
#КөршіменТекетірес #шошқа_фермасы
Ещё видео!