9 DÜŞMƏN TANKINI QƏNİMƏT
KİMİ ƏLƏ KEÇİRƏN ŞƏHİD
GİZİR ELNUR ABDULLAYEV.
Əslən Qubadlı rayonunun Yuxarı Mollu kəndindən olan Abdullayev Elnur Təvəkkül oğlu da Vətən Müharibəsi zamanı torpaqlarımızın zadlığı uğrunda canından keçən qəhrəmanlardandır.Elnur 1983-cü il iyul ayının 10-da Sumqayıt şəhərində dünyaya gəlib.2011-ci ildə tank-mexanik sürücülük kursunu bitirib və müddətdən artıq həqiqi hərbi xidmət hərbi qulluqçusu kimi ordu sıralarında xidməti vəzifəsini yerinə yetirməyə başlayıb.Vətən Müharibəsi başladığı gündən etibarən isə Füzuli və Xocavənd rayonları istiqamətlərində döyüşüb.Döyüşlər zamanı 9 düşmən tankını qənimət olaraq ələ keçirib.Döyüşlərin birində idarə etdiyi tankın vurulmasından son anda xilas olsa da, oktyabr ayının 27-də Xocavənd istiqamətində gedən döyüşlərdə şəhidlik zirvəsinə ucalıb və Sumqayıt "Şəhidlər Xiyabanı"nda dəfn edilib.Elnur Abdullayev xidməti müddətində "Azərbaycan Respublikası Silahlı Qüvvələrinin 95 illiyi (1918-2013)" və “Azərbaycan Ordusunun 100 illiyi (1918-2018)” Azərbaycan Respublikasının yubiley medalları,"Qüsursuz xidmətə görə" 3-cü dərəcəli medal və fəxri fərmanlarla, şəhidlik zirvəsinə ucaldıqdan sonra isə “Füzulinin,Cəbrayılın azad olunmasına görə” və “Vətən uğrunda” medalları ilə təltif olunub.
Ailəlidir, iki qız övladı var.
ALLAH RƏHMƏT ELƏSİN!
Vüqar Həsənov Teymur Müskanlı.
![](https://i.ytimg.com/vi/2W2Zybz3t7w/maxresdefault.jpg)