Dy kamionë janë djegur orët e para të ditës së sotme në Mitrovicën e Veriut, ndërsa flakët kanë dëmtuar edhe një makinë të vogël. Zëvendësdrejtori i Policisë së Kosovës për veriun, Veton Elshani, i tha REL se me gjasë, zjarri ka qenë i qëllimshëm.
Ai nuk dha detaje të tjera mbi ngjarjen duke theksuar vetëm se hetimi është në zhvillim e sipër, por mësohet ndërkohë se pronarët e kamionëve janë shqiptarë, të cilët kanë biznese me shumicë në veri të Mitrovicës, ndërsa makina e dëmtuar është në pronësi të një serbi. Në veriun e Kosovës të banuar me shumicë serbe, janë regjistruar disa incidente të ngjashme këtë vit.
Në të njëjtin vend ku u dogjën kamionët, u përfshinë nga flakët edhe në fillim të qershorit dy makina, ndërsa në prill u dogj edhe automjeti i një pjesëtari të policisë kufitare të Kosovës. Në mars, u dogj një restorant në pronësi të Natasha Tomanicit, ish-zëvendëskryetare e Komunës së Zveçanit, e cila punon sipas sistemit të Kosovës, e si ajo, ashtu edhe autoritetet lokale u shprehën asokohe për zjarrvënie të qëllimshme.
Tomanic kishte shprehur dyshimin se pas këtij akti qëndronte Lista Serbe - gjë të cilën kjo parti e mohoi. Gjatë vitit 2023 dhe në fund të vitit 2022, kur ka qenë në proces riregjistrimi i automjeteve me targa të Kosovës në veri, janë djegur disa makina me targa RKS (Republika e Kosovës) në atë zonë.
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: [ Ссылка ]
Subscribe to "Top Channel" on YouTube Channel for NEWS and TV
Shows HERE: [ Ссылка ]
For more content from click HERE: www.top-channel.tv
Like Top Channel on Facebook HERE: [ Ссылка ]
Follow Top Channel on Instagram HERE: [ Ссылка ]
Follow Top Channel on Twitter HERE: [ Ссылка ]
#TopChannelNews
