Sözləri: Baba Vəziroğlu
Musiqisi: Siyavuş Kərimi

İllərdə, aylarda,
Ayrılan yollarda
Mən səni tapaydım, kaş…
Mənalı gözlərin
Təkliyə dözməyir?
Bir dönüb baxaydı, kaş…

Susur mavi dəniz,
Göylərdən xəbərsiz
Alır zülmət aləmi…
Anlar ötüb keçdi,
Yollar ayrı düşdü,
Gör, necə yandırır
İntizar qəlbimi…

Sənsiz qəlbim ağlar
Hanı ötən çağlar?
Geriyə dönərdi kaş...
Nakam qaldı arzu…
Ayrılıq ulduzu
Biryolluq sönəydi kaş…
Geriyə dönərdi kaş...
Yetər bu ayrılıq!
Hicranın gözündən
Göz yaşı axaydı, kaş…
Mənalı gözlərin
Təkliyə dözməyib
Bir dönüb baxaydı, kaş…

свернуть